نینگراں دی استعداد کار ودھاوݨ سانڳے ڈیجیٹل مہارتاں سکھݨ ویلھے دی لوڑھ اے ،شزہ فاطمہ

اسلام آباد۔21جون(اے پی پی):وزیر مملکت آئی ٹی شزہ فاطمہ آکھیے جو نینگراں دی استعداد کار ودھاوݨ سانڳے ݙیجیٹل مہارتاں سکھݨ ویلھے دی اہم لوڑھ اے ۔ریموٹ لرننگ سانڳے سمارٹ سکولز دا قیام ٻہوں اہم اے ۔ اے ڳالھ انہاں گوگل وفد نال ملاقات اچ آکھی اے ۔ملاقات اچ ایڈیشنل سیکرٹری وزارت آئی ٹی عائشہ حمیرا موریانی، ممبر آئی ٹی سید جنید امام اتے ممبر ٹیلی کام محمد جہانزیب رحیم وی موجود ہن۔وزارت آئی ٹی و ٹیلی کمیونیکیشن توں جاری بیان موجب ملاقات اچ ٹیکنالوجی دی تعلیم دے میدان اچ موثر استعمال، مصنوعی ذہانت،  ڈیجیٹل معیشت دے حوالے نال تفصیلی ڳالھ مہاڑ تھئی ۔گوگل وفد اچ اینڈریواری، ہیڈ ٹریڈ اینڈ اکنامک افئیرز، ایشیاء پیسیفک،  کائل گارڈنر، گورنمنٹ افئیرز اینڈ پبلک پالیسی لیڈ، جنوبی ایشیا، اتے فرحان قریشی، گوگل کنٹری ہیڈ شامل ہن۔وفد وزیر مملکت آئی ٹی کوں گوگل لٹریسی پروگرامز دے حوالے نال بریفنگ ݙتی ۔ وزیرمملکت آکھیے جو نینگراں دی استعداد کار ودھاوݨ سانڳے ڈیجیٹل مہارتاں سکھݨ ویلھے دی اہم لوڑھ اے ، ریموٹ لرننگ سانڳے سمارٹ سکولز دا قیام ٻہوں اہم اے ۔وزیر مملکت آئی ٹی آکھیے گوگل فار ایجوکیشن دی طرفوں پاکستان اچ کروم بکس دی تیاری قابل تعریف اقدام اے، طلباء اتے استاداں سانڳے ڈیجیٹل ٹولز دی فراہمی نال تعلیمی تقسیم گھٹ کرݨ اچ مدد ملسی انہاں آکھیے نینگراں دی استعداد کار ودھاوݨ سانے انہاں کوں ڈیجیٹل مہارتاں سکھاوݨ ویلھے دی اہم لوڑھ اے ، سٹوڈنٹس اتے ٹیچرز کوں ڈیجیٹل ٹولز دے استعمال سانڳے ٹریننگ ݙیوݨ ضروری اے ۔ ڈیجیٹل لیٹریسی توں بہتر روزگار دے موقع ڳھدے ونڄ سڳدن ۔شزہ فاطمہ آکھیے ریموٹ لرننگ سانڳے سمارٹ سکولز دا قیام اہم اے مصنوعی ذہانت اتے ڈیجیٹل ٹولز دے استعمال نال بہتر نتیجے ڳھدے ونڄ سڳدن ۔شزہ فاطمہ آکھیے وزارت آئی ٹی گوگل دے سارے انیشیٹو اچ ہر ممکن تعاون و سپورٹ کریسی۔