مئی اچ آئی ٹی برآمدات اچ 332 ملین ڈالرز دا ریکارڈ اودھارا ،آئی ٹی برآمدات دے ودھارے سانڳے بھرپور اقدامات جاری ہن، وزیر مملکت آئی ٹی شزہ فاطمہ

اسلام آباد۔22جون  (اے پی پی):وزیر مملکت آئی ٹی شزہ فاطمہ آکھیے جو پاکستان دی آئی سی ٹی سروسز دی برآمدی ترسیلات اچ مئی 2024 دے دوران  332 ملین ڈالرز دا ریکارڈ  ودھارا تھئے وزارت آئی ٹی و ٹیلی کمیونیکیشن  دی طرفوں جاری بیان اچ وزیر مملکت آکھیے آئی ٹی برآمدات اچ گزریل سال مئی دے مہینے دے مقابلے اچ 40.7 فی صد ودھارا تھئے ۔مالی سال 2023-24 دے جولائی 2023 توں مئی 2024 دے دوران آئی ٹی برآمدات گزریل مالی سال دے ایں عرصے دے2.371 ارب ڈالرز دے مقابلے اچ 2.925 ارب ڈالرز تئیں پڄ ڳئن ۔شزہ فاطمہ آکھیے موجودہ حکومت دی توجہ آئی ٹی سیکٹر دی ترقی تے مرکوز اے، آئی ٹی برآمدات دے ودھارے اچ سپیشل انویسٹمنٹ فیسلیٹشن کونسل(ایس آئی ایف سی)، پاکستان سافٹویئر ایکسپورٹ بورڈ (پی ایس ای بی) دا کردار لائق تحسین اے۔ وزیر مملکت آئی ٹی آکھیے وزیر اعظم دی ہدایت تے آئی ٹی برآمدات دے ودھارے سانڳے بھرپور اقدامات جاری ہن ، آندے مالی سال اچ آئی ٹی سیکٹر دے بجٹ اچ ودھارا کیتا ڳئے ایں بجٹ اچ ڈیجیٹل انفراسٹرکچر انفارمیشن دے منصوبیں سانڳے 20 ارب روپے رکھیے ڳئن۔