اسلام آباد۔26جون (اے پی پی) وزیراعظم محمد شہباز شریف چینی صنعتاں دی پاکستان منتقلی دے حوالے نال چینی اتے پاکستانی کمپنیاں وچال جوائنٹ وینچر منصوبے دی منظوری ݙیندے ہوئیں آکھیے جو پاکستان اچ اندرلی تے ٻاہرلی سرمایہ کاری دا ودھارا حکومت دی اولین ترجیح اے،حکومت تاجراں تے سرمایہ کاراں سانڳے کاروبار دوست ماحول ݙیوݨ کتیے ہر ممکن اقدامات چیندے پئن ۔وزیر اعظم آفس دے میڈیا ونگ توں جاری بیان …
وزیراعظم صنعتاں دی پاکستان منتقلی تے چینی اتے پاکستانی کمپنیاں وچال جوائنٹ وینچر منصوبے دی منظوری ݙے ݙتی
مزید خبراں
اسلام آباد۔26جون (اے پی پی) وزیراعظم محمد شہباز شریف چینی صنعتاں دی پاکستان منتقلی دے حوالے نال چینی اتے پاکستانی کمپنیاں وچال جوائنٹ وینچر منصوبے دی منظوری ݙیندے ہوئیں آکھیے جو پاکستان اچ اندرلی تے ٻاہرلی سرمایہ کاری دا ودھارا حکومت دی اولین ترجیح اے،حکومت تاجراں تے سرمایہ کاراں سانڳے کاروبار دوست ماحول ݙیوݨ کتیے ہر ممکن اقدامات چیندے پئن ۔وزیر اعظم آفس دے میڈیا ونگ توں جاری بیان موجب وزیر اعظم دی صدارت اچ سرمایہ کاری بورڈ دے امور تے اہم اجلاس تھئے ۔ اجلاس اچ وزیراعظم اپݨے دورہ چین دے دوران شینزین اچ پاکستانی اتے چینی کمپنیاں وچال مفاہمتی یادداشتاں دے حوالے نال پیشرفت تے جامع رپورٹ پیش کرݨ دی ہدایت کیتی ۔وزیر اعظم خصوصی اقتصادی زونز ون سٹاپ شاپ دے قانون دے مسودے تے دورہ چین دے بعد تھیوݨ آلی پیشرفت دے تناظر اچ نظر ثانی دی ہدایت کریندے ہوئیں آکھیے چین دی ٹیکسٹائل ، چمڑے ، فٹ وئیر اتے ٻئی صنعتاں دی پاکستان اچ ری لوکیشن دے حوالے نال ٻہوں استعداد موجود اے۔ اجلاس کوں سیکرٹری سرمایہ کاری بورڈ ولوں ݙتی ڳئی بریفنگ اچ ݙسایا ڳئے جو چینی صنعتاں دی پاکستان اچ ری لوکیشن دے حوالے نال اقدامات چاتے ویندے پئن ۔اجلاس اچ وفاقی وزیر نجکاری و سرمایہ کاری عبد العلیم خان ، وفاقی وزیر تجارت جام کمال، وفاقی وزیر خزانہ و محصولات محمد اورنگزیب، وفاقی وزیر پٹرولیم ڈاکٹر مصدق ملک، وزیراعظم دے کوآرڈینیٹر رانا احسان افضل اتے متعلقہ اعلیٰ سرکاری افسران شرکت کیتی۔
