سویڈش ٹیک کمپنیاں پاکستان اچ سرمایہ کاری کرن ، وزیر مملکت آئی ٹی شزہ فاطمہ دا گول میز کانفرنس توں خطاب

اسلام آباد۔27جون(اے پی پی):وزیر مملکت آئی ٹی و ٹیلی کمیونیکیشن شزہ فاطمہ خواجہ آکھیے جو وزیراعظم پاکستان دے وژن دے تحت انفارمیشن و کمیونیکیشنز ٹیکنالوجی (آئی سی ٹی) دے ودھارے سانڳے اقدامات جاری ہن، پاکستان سویڈن نال آئی ٹی و ٹیلی کام سیکٹر اچ تعاون ودھاوݨ چاہندے ، سویڈش ٹیک کمپنیاں کوں آئی ٹی و ٹیلی کام سیکٹر اچ سرمایہ کاری دی دعوت ݙیندوں ۔ اے ڳالھ انہاں آئی ٹی و ڈیجیٹلائزیشن دے حوالے نال گول میز کانفرنس توں خطاب اچ آکھی اے ۔گول میز کانفرنس اچ سویڈن دے سفیر ہنرک پیرسن اتے سویڈش ٹیک کمپنیاں دے نمائندیں شرکت کیتی۔شزہ فاطمہ آکھیے جو انفارمیشن و کمیونیکیشنز ٹیکنالوجی دا ملکی ترقی اچ اہم کردار اے وزارت آئی ٹی ڈیجیٹل پاکستان وژن دی تکمیل سانڳے کم کریندی پئی اے ، ڈیجیٹل پاکستان پالیسی ڈیجیٹل منتقلی کوں اڳلی سطح تے گھن ونڄن سانڳے راہ ہموار کریندی پئی اے ۔ انہاں آکھیے وزارت آئی ٹی دی توجہ آئی سی ٹی انڈسٹری کوں بااختیار بݨاوݨ تے ہے ۔ سکلز بلڈنگ، ڈیجیٹل ٹرانسفارمیشن پراجیکٹ، ریسرچ، انوویشن، سافٹ ویئر ٹیکنالوجی پارکس دے قیام دے اقدامات کیتے ویندے پئن موجودہ حکومت عوام کوں سستی و معیاری آئی سی ٹی سروسز ݙیوݨ سانڳے پرعزم اے ۔وزیر مملکت آئی ٹی آکھیے پاکستان اچ سرمایہ کاری سانڳے ماحول سازگار اے، ایس آئی ایف سی آئی ٹی سیکٹر اچ سرمایہ کاری سانڳے سہولت ݙتی ݙیندی پئی اے ، سویڈش ٹیک کمپنیاں پاکستان اچ آئی ٹی و ٹیلی سیکٹر اچ سرمایہ کاری کرن ۔گول میز کانفرنس اچ ایمبیسڈر ایٹ لارج برائے انویسٹمنٹ سلمان احمد ،سیکرٹری وزارت آئی ٹی عائشہ حمیرا موریانی، ممبر ٹیلی کام محمد جہانزیب رحیم، ڈی جی ٹیلی کام فیصل رتیال، ڈی جی آئی ٹی اسفند یار خان، ڈی جی انٹرنیشنل کوآرڈینیشن سید جواد علی شیرازی وی موجود ہن ۔گول میز کانفرنس اچ سویڈش کمپنیاں ایریکسن، نیڈ ان سائٹس، ایل سی سی/ٹاک پول، کوئکسل، ساب اتے ماہانہ ویلتھ لمیٹڈ دے نمائندیں شرکت کیتی ۔