اسلام آباد۔27جون (اے پی پی):نائب وزیراعظم تے وزیر خارجہ محمد اسحاق ڈار آکھیے امریکی ایوان نمائندگان اچ منظور تھیوݨ آلی قرارداد تے دفتر خارجہ ردعمل ݙتے، قومی اسمبلی اچ وی بجٹ دی منظوری دے بعد ایں حوالے نال قرارداد گھن آسوں، پاک ایران گیس منصوبے سودھے خارجہ پالیسی دے حوالے نال ایوان کوں بریفنگ ݙیوݨ سانڳے تیار ہیسے ، حکومت مسئلہ فلسطین، کشمیر، اسلامو فوبیا اتے سوشل میڈیا تے نبی …
حکومت مسئلہ فلسطین، کشمیر، اسلامو فوبیا اتے سوشل میڈیا تے گستاخانہ مواد دے حوالے نال او آئی سی سودھے ہر فورم تے آواز چاتی،اسحاق ڈار
مزید خبراں
اسلام آباد۔27جون (اے پی پی):نائب وزیراعظم تے وزیر خارجہ محمد اسحاق ڈار آکھیے امریکی ایوان نمائندگان اچ منظور تھیوݨ آلی قرارداد تے دفتر خارجہ ردعمل ݙتے، قومی اسمبلی اچ وی بجٹ دی منظوری دے بعد ایں حوالے نال قرارداد گھن آسوں، پاک ایران گیس منصوبے سودھے خارجہ پالیسی دے حوالے نال ایوان کوں بریفنگ ݙیوݨ سانڳے تیار ہیسے ، حکومت مسئلہ فلسطین، کشمیر، اسلامو فوبیا اتے سوشل میڈیا تے نبی پاک صلی اللہ علیہ وآلہ وسلم دی شان اقدس بارے گستاخانہ مواد دے حوالے نال او آئی سی سودھے ہر فورم تے آواز چاتی اے ، پاکستان موجودہ معاشی صورتحال توں نکلݨ دی بھرپور صلاحیت رکھیندے ، ایندے اچ کجھ ویلھا لڳسی اساں ایں صورتحال توں ٻاہر نکل آسوں قومی اسمبلی اچ وزارت خارجہ دے مطالبات زر تے اپوزیشن دی کٹوتی دی تحریک تے بحث سنبھیندے ہوئیں انہاں آکھیے کٹوتی دی تحریک دا مقصد ہی ایہو ہوندے جو موضوع کوں زیر بحث گھن آیا ونڄے انہاں آکھیے ارکاں دی طرفوں تجویزاں دا خیر مقدم کریندوں جو خارجہ پالیسی دے حوالے نال ھک انڄ سیشن تھیوے اساں خارجہ پالیسی دے حوالے نال مکمل بریفنگ ݙیوݨ سانڳے تیار ہیسے۔
