اسلام آباد۔28جون(اے پی پی):قومی اسمبلی امریکی ایوان نمائندگان دی پاکستان بارے قرارداد تے افسوس کریندے آکھیے پاکستان ھک تکڑا اتے مستحکم جمہوری معاشرہ چاہندے ، اپݨے اندرلے معاملات اچ کہیں کوں ڄنگھ اڑاوݨ دی اجازت اصلوں نہ ݙیسوں ، امریکی ایوان نمائندگان دی قراردادریاست پاکستان کوں ہیݨا کرݨ دی کوشش اے۔ قومی اسمبلی اچ شائستہ پرویز ملک رولز معطل کرتے تحریک پیش کرݨ دی اجازت منگی ،اجازت ملݨ تے …
پاکستان ھک تکڑا اتے مستحکم جمہوری معاشرہ چاہندے ، اپݨے اندرلے معاملات اچ کہیں کوں ڄنگھ اڑاوݨ دی اجازت اصلوں نہ ݙیسوں ، امریکی ایوان نمائندگان دی قراردادریاست پاکستان کوں ہیݨا کرݨ دی کوشش اے، قومی اسمبلی دی قرارداد
مزید خبراں
اسلام آباد۔28جون(اے پی پی):قومی اسمبلی امریکی ایوان نمائندگان دی پاکستان بارے قرارداد تے افسوس کریندے آکھیے پاکستان ھک تکڑا اتے مستحکم جمہوری معاشرہ چاہندے ، اپݨے اندرلے معاملات اچ کہیں کوں ڄنگھ اڑاوݨ دی اجازت اصلوں نہ ݙیسوں ، امریکی ایوان نمائندگان دی قراردادریاست پاکستان کوں ہیݨا کرݨ دی کوشش اے۔ قومی اسمبلی اچ شائستہ پرویز ملک رولز معطل کرتے تحریک پیش کرݨ دی اجازت منگی ،اجازت ملݨ تے انہاں قرارداد ایوان اچ پیش کیتی جیں دی ایوان منظوری ݙتی ۔ قراردار دے متن اچ آکھیا ڳئے ایوان 25 جون کوں امریکی ایوان نمائندگان دی قرارداد دا نوٹس ڳھدے ، ایوان پاکستان اتے امریکا کوں سانجھے دار سمجھدے ایوان دستور پاکستان دی روح دی یاد ݙویندے جو جیں اچ جمہوریت دے بین الاقوامی اقدار اتے انسانی حقوق دے تحفظ کوں یقینی بݨایا ڳئے، ایوان بابائے قوم دے وژن اتے پاکستانی عوام دی امنگاں دے مطابق اصولاں تے ٹرݨ سانڳے پرعزم اے ۔ امریکی ایوان نمائندگان دی قرارداد پاکستان دے سیاسی اتے انتخابی عمل دی غلط فہمی ݙکھیندے جیڑھی افسوس دی ڳالھ اے ۔ ایوان نمائندگان دی قرارداد 8 فروری کوں تھیوݨ آلے انتخابات اچ کروڑاں پاکستانیاں دے ووٹ دے حق کوں جھٹلائےجیں دی پاکستان اجازت نی ݙیندا جو ایندے اندرلے معاملات اچ ڄنگھ اڑائی ونڄے ۔ امریکی ایوان نمائندگان دی قرارداد ریاست پاکستان کوں کچا کرݨ دی ھک کوشش اے۔(
