آندے چووی گھنٹے ملک دے ٻہوں علاقیں اچ موسم تتا تے اُتلے پنجاب سودھے کشمیرتے پہاڑی علاقیں اچ مینھ وسݨ دا امکان

اسلام آباد۔29جون(اے پی پی)محکمہ موسمیات موجب آندے چووی گھنٹے شمال مشرقی پنجاب ،خطۂ پوٹھوہار،شمال مشرقی سندھ ،اُتلے خیبرپختونخوا،شمال مشرقی/جنوبی بلوچستان ، کشمیرتے پہاڑی علاقیں اچ کجھ جہیں تے اندھاری گھلݨ تے کھمݨ نال مینھ وسݨ دا امکان جݙاں جو جنوبی بلوچستان اچ کجھ جہیں تے ودھ سارا مینھ وسݨ دا امکان اے ۔ ایں ویلھے سندھ دے ساحلی علاقیں اچ کجھ جہیں تے کݨ مݨ تھی سڳدی اے ملک دیاں ٻیاں جہیں تے موسم تتا تے رکھا رہݨ دا امکان ۔ محکمہ موسمیات موجب گزریل 24  گھنٹے اچ خطہ پوٹھوہار، شمال مشرقی پنجاب،اسلام آباد، خیبر پختونخوا ،کشمیر،تلویں سندھ اتے شمال مشرقی/جنوبی بلوچستان اچ تکھی ہوا گھلی ، اندھاری آئی تے کھمݨ نال مینھ وٹھا ٻئے علاقیں اچ موسم تتا رہیا ۔ ساریں توں ودھ مینھ راولپنڈی اچ (شمس آباد 45، چکلالہ ائرپورٹ  5، کچہری  4)،حافظ آباد 25،گجرات17،سیالکوٹ (ائرپورٹ )10،ناروال، منڈی بہاؤالدین 6،گجرانوالہ4، مالم جبہ 19، بالاکوٹ 12، مردان 7،کاکول ھک، مظفرآباد (ائرپورٹ 5، سٹی 4)، راولاکوٹ 2،گڑھی دوپٹہ ھک،  ژوب 4، بارکھان 3اتے ٹھٹھہ اچ 2 ملی میٹر مینھ ریکارڈ کیتا ڳئے ۔ ہفتے کوں ریکارڈ کیتے ڳئے ودھ توں ودھ درجہ حرارت دی رپورٹ موجب نوکنڈی اچ درجہ حرارت 47،بہاولپور،دالبندین 46، سبی،دادو،بھکراتے جیکب آباد اچ 45 ڈگری سینٹی گریڈ ریکارڈ کیتا ڳئے۔