پاکستان ریلوے داراولپنڈی توں کراچی تے کراچی توں راولپنڈی وچال پنج جولائی توں 30جولائی  تئیں سمروکیشن اسپیشل ریل ڳاݙی چلاوݨ دا اعلان

اسلام آباد ۔29جون  (اے پی پی):پاکستان ریلوے  عوام دی سہولت سانڳے راولپنڈی توں کراچی تے کراچی توں راولپنڈی وچال پنج جولائی توں 30جولائی  تئیں سمروکیشن اسپیشل ریل ڳاݙی (49Up,50Dn)چلاوݨ دا اعلان کرݙتے۔ ترجمان موجب ’’سمروکیشن اسپیشل ریل ڳاݙی ‘‘راولپنڈی توں جولائی 26,23,20,17,14,11,08,05 29, تریخ کوں ݙوپہریں 12 وڄ تے 30منٹ تے روانہ تھی تے آندے ݙینھ ݙوپہر02  وڄ تے 15 منٹ تے کراچی کینٹ پڄسی ۔ ایویں کراچی کینٹ توں 30,27,24,21,18,15,12,09,06 تاریخ کوں رات 8 وڄ تے 45منٹ  تےروانہ تھی تے ایں روٹ توں تھیندے ہوئی آندی رات10وڄٖے راولپنڈی پڄسی ۔جہلم، لالہ موسی، گجرات، وزیر آباد ، گوجرانوالہ ، لاہور، رائیونڈ، اوکاڑہ، ساہیوال، خانیوال ، بہاولپور، خان پور، روہڑی،حیدرآباد ایندے سٹاب ہوسن ۔سمر وکیشن اسپیشل ریل ڳاݙی 2 اے سی سٹینڈرڈ 2 اے سی بزنس 5 اکانومی کلاس 1 بریک وین 1پاور پلانٹ تے مشتمل ہوسی جݙاں جو6 اکانومی کلاس کوچاں لاہور توں ایں ریل ڳاݙی نال لاتیاں ویسن۔