وفاقی وزیر صنعت و پیداوار رانا تنویر حسین دی صدارت اچ فرٹیلائزر ریویو کمیٹی دا اجلاس

اسلام آباد۔29جون(اے پی پی) وفاقی وزیر صنعت و پیداوار رانا تنویر حسین دی صدارت اچ فرٹیلائزر ریویو کمیٹی دا اجلاس تھئے جیندے اچ یوریا کھاد دے سٹاک دی دستیابی تے قیمتاں دے تعین متعلق معاملات  دا جائزہ ڳھدا ڳئے پاکستان اسٹینڈرڈز اینڈ کوالٹی کنٹرول اتھارٹی کوں کھاد کمپنیاں دی ویلیو ایڈڈ یوریا مصنوعات کوں چیک کرݨ دا حکم ݙتا ڳئے ۔اجلاس اچ وزیر توانائی، پیٹرولیم ڈویژن ڈاکٹر مصدق ملک اتے ایف ایف سی، اینگرو کارپوریشن، ایگریٹیک اتے فاطمہ فرٹیلائزر کارپوریشن دے چیف ایگزیکٹو افسراں شرکت کیتی ۔ وزارت صنعت وپیداوار توں پریس ریلیز موجب وفاقی وزیر صنعت وپیدوار رانا تنویز حسین پاکستان اسٹینڈرڈز اینڈ کوالٹی کنٹرول اتھارٹی کوں کھاد کمپنیاں دی ویلیو ایڈڈ یوریا مصنوعات کوں چیک کرݨ دا حکم ݙتے اتے یوریا دیاں قیمتاں ودھݨ دیاں شکایتاں ملݨ سانڳٖ ٹول فری نمبرز متعارف کراوݨ دا فیصلہ کیتے۔ انہاں خریف سیزن 2024 اچ یوریا دی دستیابی دا تخمینہ 3,394 ہزار ٹن اے اتے خریف سیزن اچ کل یوریا دی کھپت تقریباً 3,156 ہزار ٹن متوقع اے جݙاں جو ملک اچ خریف سیزن سانڳے یوریا کھاد دا وافر ذخیرہ موجود اے۔  رانا تنویرحسین ہدایت کیتی جو ربیع سیزن توں ملک اچ قیمتاں دا متفقہ طریقہ کار نافذ کیتا ونڄے تے ریٹیل پرائس پورے ملک اچ ھکو سویں ہووݨی چاہیدی اے ، صوبے تے کمپنیاں یوریا دیاں قیمتاں تے ڈیلرز تےنظر رکھن،یوریا دی ریٹیل قیمت توں ودھ قیمت گھنݨ تے ڈیلرز کوں بلیک لسٹ کیتا ونڄے۔ ایں موقع تے فرٹیلائزر کمپنیاں دے عہدیداراں عزم کیتے جو او مقامی طلب کوں پورا کرݨ سانڳے مینوفیکچرنگ یونٹ پوری صلاحیت نال کم کریسن۔