طالبات  ڈگری گھنݨ دے بعد گھر تئیں محدود  نہ رہن،  اپݨے علم کوں ونڈ تے معاشرے دا اہم شہری ہووݨ دا ثبوت ݙیون ، خواجہ محمد آصف

سیالکوٹ۔29جون (اے پی پی):وزیر دفاع خواجہ محمد آصف آکھیے طالبات  ڈگری گھنݨ دے بعد گھر تئیں محدود  نہ رہن،  اپݨے علم کوں ونڈ تے معاشرے دا اہم شہری ہووݨ دا ثبوت ݙیون۔ اے ڳالھ انہاں گورنمنٹ کالج وومن یونیورسٹی سیالکوٹ دے پنجویں کانووکیشن  توں بطور مہمان خصوصی خطاب اچ آکھی اے ۔ انہاں طالبات کوں ڈگری مکمل کرݨ دی مبارخ ݙتی تے طالبات کوں آکھیے او علم معاشرے اچ ونڈن ۔ انہاں نصیحت کیتی جو طالبات او علم معاشرے اچ ونڈن تے ڈگری گھنݨ دے بعد گھر اچ ٻہݨ دی بجائے ملک تے قوم دی خدمت کرن ۔ انہاں آکھیے میں سانڳے اے عزت دا مقام اے جو میں ھک یونیورسٹی دی طالبات کوں ڈگریاں ایوارڈ کرݨ دی تقریب اچ بطور مہمان خصوصی حاضر تھیاں ۔ انہاں طالبات کوں الویندے ہوئیں آکھیے تساں آپݨی عملی زندگی دا حصہ بݨݨا اے  کیوں جو علم کھنڈاوݨ دے نال ودھدے تے گھٹ نی تھیندا تے ایندی روشنی ودھدی اے ۔ علم ھک ایہو سویں دولت اے جتنا وی کھنڈیسوں ودھسی ۔ انہاں آکھیے اڄ ساݙیاں دھیریں پڑھیاں لکھیاں ہوسن تاں چنڳاں معاشرہ بݨسی کیوں جو اڄ دی دھی کل دی ما اے ھک ما پورے خاندان کوں سنبھیندی اے ۔ خواجہ محمد آصف آکھیے ھک ڈاکٹر بݨݨ اچ حکومت دا تقریباً ھک کروڑ 20 لکھ روپے دا خرچہ آندے لیکن اندازے موجب تقریباً 83فیصد ساݙیان دھیریں ڈاکٹر بݨݨ دے بعد گھرتئیں محدود تھی تے رہ ویندن جݙاں جو صرف 17 فیصد ڈاکٹرعملی زندگی اچ قدم رکھیندن جیڑھی سرا سر زیادتی اے حالانکہ ہووݨا تاں اے چاہیدے جو ساریاں ڈاکٹرز بݨݨ آلیاں چھوہریں عملی طور تے فیلڈ اچ آون تے معاشرے دا اہم رکن بݨ تے ملک و قوم دی ترقی و خوشحالی اچ آپݨا کردار نبھاون ساݙا ملک تاں اڳوں ودھسی۔ انہاں آکھیے میں  رکن صوبائی اسمبلی محمد منشاءاللہ بٹ اتے ٻئے (ن) لیگی رہنماواں رل تے ایں یونیورسٹی دا منڈھ ٻدھیا جیں توں اے ڳالھ واضح تھیندی اے پاکستان مسلم لیگ (ن) تے ساݙے قائد سابق وزیراعظم  محمد نواز شریف اتے وزیراعظم  محمد شہباز شریف ہمیشہ تریمتاں دی تعلیم  تے انہاں کوں بااختیار بݨاوݨ اچ ہمیشہ صف اول دا کردارنبھائے۔ وائس چانسلر پروفیسر ڈاکٹر زرین فاطمہ رضوی ابتدائیہ کلمات اچ مہمان خصوصی وزیردفاع خواجہ محمد آصف  ،صدر چیمبر عبدالغفور ملک، صدرویمن چیمبرڈاکٹر مریم نعمان تے ارکان ،ممبرز سنڈیکیٹ،پبلک اتے پرائیویٹ یونیورسٹیاں دے وائس چانسلرز، ایلومینائی ممبران،ضلعی انتظامیہ، ریسیکیو 1122تےٻئے مہماناں دا کانووکیشن اچ شرکت کرݨ تے شکریہ ادا کیتا۔کانووکیشن اچ وزیر دفاع خواجہ  محمد آصف،مس مسرت خواجہ، ایم پی اے چوہدری فیصل اکرام ٻئیں تے طالبات شرکت کیتی۔