اسلام آباد ۔29جون(اے پی پی) نائب وزیر اعظم تے وزیر خارجہ محمداسحاق ڈار عرس بری امام دے موقع تے سیکورٹی دے غیر معمولی انتظامات کرݨ دی ہدایت کریندے ہوئیں آکھیے جو ملک دے وکھو وکھ علاقیں تے پوری دنیا توں عرس دی تقریب اچ آوݨ آلے زائرین کوں سہولتاں ݙیوݨ کوں یقینی بݨایا ونڄے۔ اسحاق ڈاردی صدارت اچ مزار حضرت بری امامؒ کمپلیکس دی ترقی اتےانتظام وانصرام کمیٹی دا …
نائب وزیر اعظم اسحاق ڈاردی صدارت اچ مزار حضرت بری امامؒ کمپلیکس دی ترقی اتے انتظام وانصرام کمیٹی دا اجلاس
مزید خبراں
اسلام آباد ۔29جون(اے پی پی) نائب وزیر اعظم تے وزیر خارجہ محمداسحاق ڈار عرس بری امام دے موقع تے سیکورٹی دے غیر معمولی انتظامات کرݨ دی ہدایت کریندے ہوئیں آکھیے جو ملک دے وکھو وکھ علاقیں تے پوری دنیا توں عرس دی تقریب اچ آوݨ آلے زائرین کوں سہولتاں ݙیوݨ کوں یقینی بݨایا ونڄے۔ اسحاق ڈاردی صدارت اچ مزار حضرت بری امامؒ کمپلیکس دی ترقی اتےانتظام وانصرام کمیٹی دا اجلاس تھیا ۔ اجلاس اچ حنیف عباسی،جنرل ریٹارڈ افضل جنجوعہ ، سیکرٹری داخلہ، چیف کمشنراسلام آباد، چئیرمین سی ڈی اےاتے ٻئے اعلی حکام شرکت کیتی۔ اجلاس اچ حضرت بری امامؒ دے سالانہ عرس مبارک دے انتظامات دا جائزہ ڳھدا ڳئے ۔نائب وزیر اعظم ہدایت کیتی جو عرس تے سیکورٹی دے غیر معمولی انتظامات کیتے ونڄن ۔ انہاں عرس اچ شرکت کرݨ آلیاں تریمتاں تے زائرین سانڳے مزار حضرت بری امامؒ کمپلیکس اچ خصوصی انتظامات یقینی بݨاوݨ دی ہدایت کیتی تے آکھیے جو تقریبات اچ زائرین کوں کہیں قسم دی کوئی تکلیف نہ تھیوے ۔ اجلاس اچ عرس انتظامات دے سلسلے اچ خصوصی کمیٹی وی بݨائی ڳئی جیں اچ چیف کمشنر اسلام آباد تے ڈپٹی کمشنر سودھے ٻئے حکام شامل ہوسن۔
