وزارت پاور ڈویژن دی سوشل میڈیا تے وفاقی وزیر اویس لغاری دے بجلی دے ٻل تے وضاحت، تردید

اسلام آباد۔3جولائی(اے پی پی):وزارت توانائی( پاور ڈویژن) سوشل میڈیا تے وفاقی وزیر پاور ڈویژن سردار اویس احمد خان لغاری دے ناں توں بجلی دے ٻل دی وائرل تھیوݨ آلی تصویر دی تردید کریندے آکھیےایجھا گمراہ کن پرو پیگنڈہ کھنݙاوݨ نہ صرف کردارکشی کرݨ دی کوشش کیتی ویندی پئی اے جڈاں جو لوکاں دے جذبات نال کھیݙن دی مذموم حرکت اے۔ ترجمان پاور ڈویژن بیان اچ وضاحت کیتی اے جے ایں ٻل دا مطالعہ کرݨ دی کوشش کیتی ونڄے تاں ایندے مندرجات تساکوں صاف ݙسیندے پئن اے جو اے ھک نہ صرف کوڑا پرو پیگنڈا اے جڈاں جو  ایں ڳالھ دی گواہی ݙیندے جو سردار اویس احمد لغاری قانون دی پاسداری کریندن تے آپݨے قومی فریضے کوں چنڳے طریقے نال نبھیندن۔ انہاں آکھیے اے وفاقی وزیر دے فورٹ منرو ہل سٹیشن دے ھک اُتلے حصے دا ٻل اے جیڑھا استعمال وچ کائناں ہئی تے قانونی طریقے نال ایندے میٹر کوں اگست 2023 اچ لاک کیتا ڳیا جیویں جو یونٹ دے کالم اچ لکھیا ہویا اے ۔ترجمان وضاحت ݙتی دسمبر 2023 اچ ایں ٻل کوں قانونی طریقے نال کٹ تے سارے واجبات 10,766 روپے ادا کیتے ڳئن جیں دی انٹری ٻل اچ ݙٹھی ونڄ سڳدی اے ایں میٹر کوں جون 2024 اچ قانونی طریقے نال بحال کرایا ڳیا جیں تے ہݨ تئیں استعمال نہ تھیوݨ پاروں کوئی لوڈ شامل کائنی ۔  ترجمان عوام توں درخواست کیتی اے جو ایویں گمراہ کن پروپیگنڈا جیں دے اجزاء ٻل اچ درج حقائق دے منافی ہن دا شکار نہ بݨو تے ایں مذموم عمل دی سخت مذمت کرو۔