“ویژن سنٹرل ایشیا” پالیسی موجب تاجکستان سودھے وسطی ایشیائی ملکاں نال رابطے تے اینکوں بیا اڳوں ودھیسوں ، وزیراعظم محمد شہباز شریف

“ویژن سنٹرل ایشیا” پالیسی موجب تاجکستان سودھے وسطی ایشیائی ملکاں نال رابطے تے اینکوں بیا اڳوں ودھیسوں ، وزیراعظم محمد شہباز شریف

دوشنبہ۔3جولائی(اے پی پی) وزیرِ اعظم محمد شہباز شریف آکھیے پاکستان اپݨی “ویژن سنٹرل ایشیا” پالیسی موجب تاجکستان سودھے وسطی ایشیائی ملکاں نال رابطے مزید ودھاوݨ جاری رکھیسی ۔ پاکستان وسط ایشیائی ملکاں کوں تجارتی راہداری ݙیوݨ تے علاقائی تجارت ودھاوݨ سانڳے وختی علاقائی کنیکٹیویٹی سمٹ دی میزبانی کریسی ۔اے ڳالھ وزیرِاعظم محمد شہباز شریف  تاجکستان دے اپݨے ہم منصب قاہر رسول زادہ نال ملاقات اچ آکھی اے ۔وزیراعظم دفتر میڈیاونگ توں جاری بیان موجب ملاقات اچ وزیرِ اعظم محمد شہباز شریف تے تاجکستان دے وزیر اعظم قاہر رسول زادہ ݙوہیں ملکاں دے بھرپی دے تعلقات کوں ٻیا تکڑا بݨاوݨ دا عزم کیتے ۔ وزیراعظم محمد شہبازشریف  تاجک وزیراعظم کوں کراچی بندرگاہ راہداری تجارت سانڳے استعمال کرݨ دی دعوت ݙتی ۔ ملاقات اچ ݙوہیں اڳواݨاں سانجھی دلچسپی دے سبھے شعبیں اچ تعاوں ودھاوݨ تے اطمینان کیتے پاکستان تے تاجکستان وچال موجودہ تعلقات کوں ٻیا تکڑا کرݨ دی سانجھی خواہش ظاہر کیتی ،وزیراعظم شہباز شریف تاجک وزیراعظم کوں تریجھی واری اعلیٰ سطحی آبی کانفرنس کامیاب کراوݨ دی مبارخ ݙتی ۔ سٹریٹجک سانجھے داری دے معاہدے تے دستخط پاکستان تے تاجکستان وچال ݙو پاسے تعلقات اچ ھک تاریخی سنگ میل قرارݙیندے وزیراعظم اے امید کیتی جو ݙوہیں ملکاں وچال تعلقات سانجھے طور تے فیدہ مند اقتصادی تعاون دے نویں شعبیں اچ تعاون ودھسی ۔ وزیر اعظم شہباز شریف آکھیے پاکستان اپنی “ویژن سنٹرل ایشیا” پالیسی موجب تاجکستان سودھے وسطی ایشیائی ملکاں نال رابطے مزید ودھاوݨ جاری رکھیسی ۔ انہاں خطے دی پائیدار تے طویل مدتی سماجی و اقتصادی ترقی سانڳے علاقائی رابطے تے دی کلیدی اہمیت تے وی زور ݙتا ۔ وزیراعظم شہباز شریف جنوبی اتے وسط ایشیائی خطے اچ علاقائی رابطے دی اہمیت تے زور ݙتا ۔ وزیراعظم آکھیے پاکستان وسط ایشیائی ملکاں کوں تجارتی راہداری ݙیوݨ تے علاقائی تجارت دے ودھارے سانڳے وختی علاقائی کنیکٹیویٹی سمٹ دی میزبانی کریسی ۔ وزیراعظم پاکستان اتے تاجکستان وچال شروع تھیوݨ آلی اڄوکی بین الاقوامی پروازاں دا خیر مقدم کیتے تے انہاں پروازاں دی تعداد ودھاوݨ دی اہمیت تے زور ݙتے ۔ وزیراعظم آکھیے تاجک اتے پاکستانی عوام وچال مذہبی اتے ثقافتی اقدار سانجھے ہن تے ݙوہیں ملکاں وچال سماجی رابطے کوں مزید توسیع ݙیوݨ دی لوڑھ اتے زور ݙتے ۔ وزیراعظم ثقافت، تعلیم، کھیݙاں تے عوام دے عوام نال رابطے دے شعیں اچ تعاون ودھاوݨ دا اعادہ کیتے