وزیراعظم شہباز شریف  سی ایچ ایس تے ایس سی او پلس سربراہی اجلاساں اچ شرکت سانڳے قازقستان دے دارالحکومت آستانہ پڄ ڳئن

آستانہ۔3جولائی(اے پی پی):وزیراعظم محمد شہباز شریف شنگھائی تعاون تنظیم  کونسل آف ہیڈز آف اسٹیٹ اجلاس تے ایس سی او پلس دے سربراہی اجلاساں اچ شرکت سانڳے قازقستان دے دارالحکومت آستانہ پڄ ڳئن ۔وزیراعظم دفتر میڈیا ونگ توں جاری بیان موجب آستانہ دے نور سلطان نذر بائیوف بین الاقوامی ہوائی اݙے تے قازقستان دے وزیر اعظم اولہاز بیکٹونوف ، قازقستان دے نائب وزیراعظم علی بیک بیکایوف، آستانہ شہر دے مئیر زہینس قاسم بیک،  قازقستان اچ تعینات پاکستان دے سفیر نعمان بشیر تے ٻئے سفارتی عملے وزیراعظم دا استقبال کیتے۔وزیراعظم  3 تے 4 جولائی 2024 کوں آستانہ، قازقستان اچ شنگھائی تعاون تنظیم  کونسل آف ہیڈز آف اسٹیٹ اجلاس (سی ایچ ایس ) اتے ایس سی او پلس دے سربراہی اجلاساں اچ شرکت کریسن ۔ وزیراعظم  سربراہی اجلاس دے موقع تے شریک تھیوݨ آلے رہنمااں نال ملاقات کریسن