موسمیاتی تبدیلیاں پاروں تھیوݨ آلے مسئلے اتے اوکھ نال نبڑݨ کیتے کوششاں دی لوڑھ اے، یوسف رضا گیلانی

اسلام آباد۔22نومبر  (اے پی پی) چیئرمین سینیٹ سید یوسف رضا گیلانی آکھیا جو موسمیاتی تبدیلیاں پاروں تھیوݨ آلے مسئلے اتے اوکھ نال نبڑݨ کیتے کوششاں دی لوڑھ اے اتے نیشنل ایمرجنسیز آپریشن سینٹر (این ای او سی) سویں فورم آفات دا بہتر مقابلہ کرݨ اتے تیار رہݨ دی صلاحیت دا ثبوت اے۔ جمعہ کوں سینیٹ سیکرٹریٹ توں جاری بیان موجب اے ڳالھیں انہاں نیشنل ڈیزاسٹر مینجمنٹ اتھارٹی (این ڈی ایم اے) دے سربراہ لیفٹیننٹ جنرل انعام حیدر ملک اتے انہاں دی ٹیم ولوں این ای او سی دے اغراض تے مقاصد، کارکردگی اتے چاتے ڳئے تفصیلی بریفنگ اچ آکھی۔ چیئرمین سینیٹ آکھیا جو اے اقدام ایں ڳالھ دی عمدہ مثال اے جو اساں بحیثیت قوم کینویں ٹیکنالوجی توں فیدہ چا سڳدن اتے زندگی اتے معاش دے تحفظ کیتے کوششاں کر سڳدن۔  چیئرمین سینیٹ آکھیا جو جدید دور اچ ایجھے مراکز ٻہوں اہم ہن۔ انہاں آکھیا جو این ای او سی دے جدید ترین سسٹمز، رئیل ٹائم مانیٹرنگ، ڈیٹا دے تجزیہ اتے ویلھے توں پہلے خبردار کرݨ دی صلاحیت رکھیندن۔ انہاں آکھیا جو پاکستان موسمیاتی تبدیلیاں دے خلاف عالمی کوششاں اچ حصہ دار اے اتے نیشنل ایمرجنسیز آپریشن سینٹردا ٻݨݨ ایں پاسے ہک جرات مندانہ قدم اے۔ انہاں نیشنل ڈیزاسٹر مینجمنٹ اتھارٹی (این ڈی ایم اے) تے زور ݙتا جو او مقامی اتے عالمی سطح تے سانجھی داری کوں  جاری رکھݨ تانجو اساݙی سانجھی کوششاں اڳوں ودھ سڳن۔ انہاں آکھیا جو موسمیاتی تبدیلیاں پاروں تھیوݨ آلے مسئلے اتے اوکھ نال نبڑݨ کیتے کوششاں دی لوڑھ اے اتے نیشنل ایمرجنسیز آپریشن سینٹر (این ای او سی) سویں فورم آفات دا بہتر مقابلہ کرݨ اتے تیار رہݨ دی صلاحیت دا ثبوت اے۔