اسلام آباد۔ 3 مئی (اے پی پی) وزارت اطلاعات و نشریات پاکستانی تے بین الاقوامی میڈیا کیتے اڄ تے کل لائن آف کنٹرول (ایل او سی) دے دورے اچ سہولت ݙیندی پئی اے۔ ایں دورے دا مقصد بھارت دی طرفوں پاکستان اچ نام نہاد تے دہشت گردی دے فرضی کیمپاں دے حوالے نال بے بنیاد تے آپوں گھڑیے پروپیگنڈے کوں بے نقاب کرݨ اے۔ وزارت اطلاعات و نشریات دی …
وزارت اطلاعات و نشریات دی طرفوں بھارتی پروپیگنڈے دا مقابلہ کرݨ کیتے کنٹرول لائن تے میڈیا دے دورے دا اہتمام
اسلام آباد۔ 3 مئی (اے پی پی) وزارت اطلاعات و نشریات پاکستانی تے بین الاقوامی میڈیا کیتے اڄ تے کل لائن آف کنٹرول (ایل او سی) دے دورے اچ سہولت ݙیندی پئی اے۔ ایں دورے دا مقصد بھارت دی طرفوں پاکستان اچ نام نہاد تے دہشت گردی دے فرضی کیمپاں دے حوالے نال بے بنیاد تے آپوں گھڑیے پروپیگنڈے کوں بے نقاب کرݨ اے۔ وزارت اطلاعات و نشریات دی طرفوں ہفتے کوں جاری بیان موجب بھارت کئی واری لائن آف کنٹرول تے مبینہ دہشت گرد ٹھکاݨے دے حوالے نال بے بنیاد تے آپوں گھڑیے دعوے کریندا رہیے۔ ایں دورے دے دوران میڈیا دے نمائندیاں کوں اصل زمینی حقائق ݙکھاوݨ کیتے انہاں مخصوص جاہیں تے گھن تے ویسن جِنہاں کوں بھارت کوڑے دعویاں اچ دہشت گرد کیمپس قرار ݙتے۔ بیان اچ آکھیا ڳئے جو پاکستان امن کیتے اپݨے پکے عزم دا اعادہ کریندے تے دنیا اچ کتھائیں وی کہیں وی قسم دی دہشت گردی یا دہشت گردانہ سرگرمیاں دی ہر شکل کوں واضح انداز اچ مسترد کریندے۔ قوم اپݨی خودمختاری کیتے پرعزم اے تے بھارت دی کہیں وی جارحیت دا وختی تے منہ بھن جواب ݙتا ویسی۔
