اسلام آباد۔ 15 دسمبر (اے پی پی)وزیر اعظم محمد شہباز شریف آکھیے جو دانش یونیورسٹی ٹیکنالوجی اَتے جدید علوم دے ودھارے تے ودھ توجہ ݙیسی، یونیورسٹی اچ داخلے دے حوالے نال ملک دے دور پار دے علاقیاں، گلگت بلتستان اَتے آزاد جموں و کشمیر دے لائق اَتے حقدار طالب علماں کوں موقع ݙتا ویسی۔ انہاں اے ڳالھ دانش یونیورسٹی دے بورڈ آف ٹرسٹیز دے اجلاس دی صدارت کریندے آکھی۔ وزیر …
وزیر اعظم دی اڳواݨی اچ دانش یونیورسٹی دے بورڈ آف ٹرسٹیز دا اجلاس
اسلام آباد۔ 15 دسمبر (اے پی پی)وزیر اعظم محمد شہباز شریف آکھیے جو دانش یونیورسٹی ٹیکنالوجی اَتے جدید علوم دے ودھارے تے ودھ توجہ ݙیسی، یونیورسٹی اچ داخلے دے حوالے نال ملک دے دور پار دے علاقیاں، گلگت بلتستان اَتے آزاد جموں و کشمیر دے لائق اَتے حقدار طالب علماں کوں موقع ݙتا ویسی۔ انہاں اے ڳالھ دانش یونیورسٹی دے بورڈ آف ٹرسٹیز دے اجلاس دی صدارت کریندے آکھی۔ وزیر اعظم دانش یونیورسٹی دی عمارت کوں سادے اَتے پر وقار طرز تے تعمیر کرݨ دی ہدایت کیتی اَتے آکھیا جو دانش یونیورسٹی اچ اعلیٰ معیار دی ریسرچ کوں یقینی بݨایا ونڄے اَتے فیکلٹی ممبران تعینات کرݨ کیتے حکمت عملی بݨائی ونڄے۔ بریفنگ وچ ݙسایا ڳیا جو دانش یونیورسٹی پراجیکٹ مینجمنٹ یونٹ دا قیام کیتا ڳئے اَتے یونیورسٹی دا چارٹر وزارت قانون و انصاف توں منظور تھی چُکیے جیکوں کابینہ اَتے پارلیمنٹ کوں بھیجیا ویسی۔ ملک بھر اچ آؤٹ ریچ پروگرام شروع کیتا ویندا پئے، اَتے مستحق طالب علماں کیتے داخلے دے حوالے نال ٹریننگ کیمپس شروع کیتے ویسن۔
