اسلام آباد۔ 16 دسمبر (اے پی پی) وفاقی وزیر داخلہ محسن نقوی سانحہ اے پی ایس دے نشوم شہیداں کوں انہاں دی برسی تے خراجِ عقیدت پیش کریندے آکھیے جو بہادر طالب علماں دے عزم، حوصلے اَتے عظیم قربانی کوں سلام پیش کرینداں۔محسن نقوی آکھیا جو سانحہ اے پی ایس پاکستان دی تاریخ دا او المناک اَتے سیاہ ترین باب اے جیں دہشت گردی دے سفاک اَتے بے رحم چہرے …
وفاقی وزیرداخلہ محسن نقوی دا سانحہ اے پی ایس دے شہیداں کوں انہاں دی برسی تے خراجِ عقیدت
اسلام آباد۔ 16 دسمبر (اے پی پی) وفاقی وزیر داخلہ محسن نقوی سانحہ اے پی ایس دے نشوم شہیداں کوں انہاں دی برسی تے خراجِ عقیدت پیش کریندے آکھیے جو بہادر طالب علماں دے عزم، حوصلے اَتے عظیم قربانی کوں سلام پیش کرینداں۔محسن نقوی آکھیا جو سانحہ اے پی ایس پاکستان دی تاریخ دا او المناک اَتے سیاہ ترین باب اے جیں دہشت گردی دے سفاک اَتے بے رحم چہرے کوں پوری دنیا دے سامݨے بے نقاب کیتا۔ انہاں آکھیا جو شہیداں دے پاکیزہ خون اے فیصلہ ہمیشہ کیتے پکا کرݙِتا جو دہشت گردی دے خلاف ہݨ کہیں ابہام یا مصلحت دی کوئی گنجائش کائنی۔وزیرداخلہ واضح کیتا جو ریاست واضح کر چکی اے جو دہشت گردی بھاویں کہیں ناں، کہیں نعرے یا کہیں جھنڈے دے تحت ہووے، ہر صورت ناقابل قبول اے۔ انہاں آکھیا جو فتنہ الہندوستان اَتے سہولت کاراں دا مکمل خاتمہ ریاست دا ݙو ٹوک اَتے آخری فیصلہ اے
