اسلام آباد۔26 دسمبر(اے پی پی)وفاقی وزیر برائے منصوبہ بندی، ترقی اتے خصوصی اقدامات پروفیسر احسن اقبال آکھیے جو حکومت اڑان پاکستان وژن دے تحت ای-پاکستان حکمت عملی ٻݨائی اے تاں جو ملک کوں ڈیجیٹل معیشت اتے جدید ٹیکنالوجی اچ مضبوط ٻݨایا ونڄ سڳے۔ اے آئی رائیز ایکسپو 2025 نال خطاب کریندے پروفیسر احسن اقبال پاکستان اچ ٹیکنالوجی اتے جدت دیاں نویاں راہواں دی اہمیت ودھائی اتے آکھیا جو برآمدات، ڈیجیٹل …
حکومت اڑان پاکستان وژن دے تحت ای-پاکستان حکمت عملی ٻݨائی اے، پروفیسر احسن اقبال
اسلام آباد۔26 دسمبر(اے پی پی)وفاقی وزیر برائے منصوبہ بندی، ترقی اتے خصوصی اقدامات پروفیسر احسن اقبال آکھیے جو حکومت اڑان پاکستان وژن دے تحت ای-پاکستان حکمت عملی ٻݨائی اے تاں جو ملک کوں ڈیجیٹل معیشت اتے جدید ٹیکنالوجی اچ مضبوط ٻݨایا ونڄ سڳے۔ اے آئی رائیز ایکسپو 2025 نال خطاب کریندے پروفیسر احسن اقبال پاکستان اچ ٹیکنالوجی اتے جدت دیاں نویاں راہواں دی اہمیت ودھائی اتے آکھیا جو برآمدات، ڈیجیٹل معیشت اتے جدت اڑان پاکستان دے ترائے تھمبے ہن جنہاں تے ملکی ترقی دا دارومدار اے۔ وفاقی وزیر آکھیا جو پاکستان خلائی تحقیق دے میدان اچ ترقی کیتے پرعزم اے اتے حکومت ترائے نویں نیشنل سینٹرز ٻݨاوݨ دا فیصلہ کیتے جیڑھے کوانٹم کمپیوٹنگ، نینو ٹیکنالوجی اتے نیو مینوفیکچرنگ تے کم کریسن، کوانٹم ٹیکنالوجی مستقبل دی عالمی مسابقت دا فیصلہ کریسی اتے پاکستان اچ قائم تھیوݨ والی کوانٹم ویلی ملک دی ڈیپ ٹیک معیشت دا مرکز تھیسی۔ انہاں آکھیا جو حکومت دا مقصد پاکستان کوں ٹیکنالوجی نال لیس کرݨ اتے جدید قوم بݨاوݨ اے۔
