وزیراعظم دا کوہلو اچ 5 بھارتی حمایت یافتہ دہشت گرداں کوں ہلاک کرݨ تے سکیورٹی فورسز کوں خراجِ تحسین

اسلام آباد۔ 26 دسمبر(اے پی پی)وزیراعظم محمد شہباز شریف بلوچستان دے ضلع کوہلو اچ 5 بھارتی حمایت یافتہ دہشت گرداں کوں جہنم واصل کرݨ تے سکیورٹی فورسز دی کارکردگی سراہندے انہاں کوں خراجِ تحسین پیش کیتے۔ جمعے کوں وزیراعظم آفس دے میڈیا ونگ توں جاری تھیوݨ والے بیان دے مطابق، وزیراعظم آکھیا جو انسانیت دے دشمن دہشت گرداں دے ناپاک ارادیاں کوں مٹی اچ ملا ڈیسوں۔ وزیراعظم آکھیا جو دہشت گردی دے خلاف “عزمِ استحکام” اچ پوری قوم اپݨی سکیورٹی فورسز دے مونڈھے نال مونڈھا ملا تے کھڑی اے، اتے اساں ملک توں ہر قسم دی دہشت گردی دے مکمل خاتمے کیتے پرعزم ہیں۔