پاک فضائیہ دے لڑاکا طیاریاں دی یو اے ای صدر کوں شاندار فضائی سلامی

اسلام آباد۔ 26 دسمبر(اے پی پی)پاک فضائیہ دے لڑاکا طیاریاں متحدہ عرب امارات دے صدر محمد بن زاید النہیان کوں شاندار فضائی سلامی پیش کیتی۔ پاک فضائیہ دےJF-17 تھنڈر بلاک III طیاریاں تے مشتمل 6 رکنی دستے پاکستانی فضائی حدود اچ داخل تھیندے ای صدر محمد بن زاید النہیان کوں باوقار “ایئر ایسکارٹ” (حفاظتی حصار) پیش کیتا۔ اے اقدام مہمان نوازی اتے بھائی چارے دے سوہݨے مظاہرے دی علامت ہئی۔ پاک فضائیہ ولوں کیتا ڳیا اے تپاک نال استقبال پاکستان اتے متحدہ عرب امارات وچال تکڑے برادرانہ تعلقات اتے سانجھے احترام دی عکاسی کریندے۔ ایں موقع تے فارمیشن لیڈر وزیراعظمِ پاکستان اتے پاکستانی عوام ولوں صدر محمد بن زاید النہیان کوں خیرمقدمی سلام پیش کیتا۔ پاک فضائیہ دا JF-17 تھنڈر بلاک III جدید 4.5 جنریشن دا ملٹی رول لڑاکا طیارہ اے، جیڑھا فضائیہ دی جدید اتے مؤثر آپریشنل صلاحیتاں دا بھرپور اظہار اے۔