شہید بینظیر بھٹو ہر اوں آواز وچ زندہ ہن جیڑھی ناانصافی دے سامݨے جھکݨ توں انکار کریندی اے، آصفہ بھٹو زرداری

اسلام آباد۔ 27 دسمبر(اے پی پی) خاتونِ اول، رکن قومی اسمبلی تے شہید بے نظیر بھٹو دی صاحبزادی آصفہ بھٹو زرداری آکھیے جو شہید بینظیر بھٹو ہر اوں آواز وچ زندہ ہن جیڑجی ناانصافی دے سامݨے جھکݨ توں انکار کرے۔ ہفتے کوں شہید بے نظیر بھٹو دے یومِ شہادت تے “ایکس” تے اپݨے پیغام وچ آصفہ بھٹو زرداری آکھیا جو شہید بینظیر بھٹو جرات مندانہ قیادت کیتی، انھاں دی قوت ہر اوں آواز وچ زندہ اے جیڑجی ناانصافی دے سامݨے جھکݨ توں انکار کریندی اے ۔ انہاں شہید بینظیر بھٹو کوں خراجِ عقیدت پیش کریندے آکھیا جو اساں اپݨی جدوجہد دے ہر مرحلے تے تے ہر کامیابی دے موقع تے انھاں کوں یاد کریندوں۔ اساں شہید بی بی دی کمی ہر لمحہ محسوس کریندوں تے انھاں کیتے دعا گو رہندوں ۔ آصفہ بھٹو زرداری آکھیا اساں شہید بی بی دے وژن تے اقدار دی تکمیل کیتے کوششاں جاری رکھیاں ہوئیاں ہن۔ انہاں آکھیا جو بی بی شہید دی جدائی نال رہنمائی دا او خلا پیدا تھئے جیڑھا صرف او ای پُر کرسڳدیاں ہن