اسلام آباد۔ 27 دسمبر (اے پی پی) وزیراعظم محمد شہباز شریف محترمہ بے نظیر بھٹو شہید کوں خراجِ عقیدت پیش کریندے آکھیے جو انہاں جمہوریت، عوامی حقوق تے وفاقِ پاکستان دے استحکام کیتے جدوجہد کیتی۔ وزیراعظم دفتردے میڈیا ونگ توں جاری بیان موجب ، محترمہ بے نظیر بھٹو شہید دے یومِ شہادت تے اپݨے پیغام وچ وزیراعظم آکھیا جو اڄ اساں پاکستان دی عظیم دھی ، سابق وزیراعظم بینظیر بھٹو …
بے نظیر بھٹو شہید جمہوریت، عوامی حقوق تے وفاق پاکستان دے استحکام کیتے جدوجہد کیتی، وزیراعظم محمد شہباز شریف دا بینظیر بھٹو دے یوم شہادت تے پیغام
اسلام آباد۔ 27 دسمبر (اے پی پی) وزیراعظم محمد شہباز شریف محترمہ بے نظیر بھٹو شہید کوں خراجِ عقیدت پیش کریندے آکھیے جو انہاں جمہوریت، عوامی حقوق تے وفاقِ پاکستان دے استحکام کیتے جدوجہد کیتی۔ وزیراعظم دفتردے میڈیا ونگ توں جاری بیان موجب ، محترمہ بے نظیر بھٹو شہید دے یومِ شہادت تے اپݨے پیغام وچ وزیراعظم آکھیا جو اڄ اساں پاکستان دی عظیم دھی ، سابق وزیراعظم بینظیر بھٹو شہید دی برسی منیندے پیوں۔ انہاں جمہوریت، عوامی حقوق تے وفاقِ پاکستان دے استحکام کیتے بے مثال جدوجہد کیتی۔ محترمہ بینظیر بھٹو جمہوریت وچ رواداری تے ہم آہنگی جیھی مثبت اقدار دی حوصلہ افزائی کیتی، انہاں سیاسی عمل وچ رواداری کوں ودھارا ݙتا جیڑھا لائقِ تحسین اے ۔ملک و قوم کیتے محترمہ بینظیر بھٹو دی خدمات کوں ہمیشہ یاد رکھیا ویسی، وزیراعظم آکھیا جو محترمہ بینظیر بھٹو دی سیاسی میراث وچ جذبہ حب الوطنی نمایاں اے ۔ انہاں تریمتاں دے کردار کوں ودھاوݨ، اقلیتاں دے حقوق دے تحفظ تے پاکستان کوں ہک پرامن، ترقی پسند تے جمہوری ریاست بݨاوݨ کیتے قابلِ قدر اقدامات کیتے، انھاں دی قربانیاں تے خدمات قوم کیتے مشعلِ راہ ہن۔ وزیراعظم آکھیا جو اڄ دے ݙینھ اساں ایں عزم دا اعادہ کریندوں جو پاکستان وچ رواداری، برداشت، قانون دی حکمرانی تے عوامی فلاح دے سفر کوں اڳوں ودھایا ویسی جیندے کیتے بینظیر بھٹو اپݨی جان دا نذرانہ پیش کیتا۔ انہاں دعا کیتی جو اللہ تعالیٰ بینظیر بھٹو شہید کوں جوارِ رحمت وچ اعلیٰ مقام تے انھاں دے اہل خانہ تے چاہݨ آلیں کوں صبرِ جمیل عطا فرماوے
