دوحہ۔13جولائی (اے پی پی) وزیرِاعظم محمد شہباز شریف قطر دے امیر شیخ تمیم بن حمد آل ثانی نال ملاقات کر تے انھاں دے والد دے انتقال تے پرچاوݨی ݙتی تے مرحوم دی دوراندیش قیادت، مدبرانہ بصیرت تے قطر دی غیرمعمولی ترقی دے نال نال خطے اچ امن، استحکام تے ترقی دے ودھارے کیتے انھاں دیاں خدمات کوں زبردست خراجِ عقیدت پیش کیتا۔ وزیرِاعظم دفتر دے میڈیا ونگ توں جاری بیان …
وزیرِاعظم محمد شہباز شریف دی قطر دے امیر شیخ تمیم بن حمد آل ثانی نال ملاقات، انھاں دے والد دے انتقال پرچاوݨی ݙتی
دوحہ۔13جولائی (اے پی پی) وزیرِاعظم محمد شہباز شریف قطر دے امیر شیخ تمیم بن حمد آل ثانی نال ملاقات کر تے انھاں دے والد دے انتقال تے پرچاوݨی ݙتی تے مرحوم دی دوراندیش قیادت، مدبرانہ بصیرت تے قطر دی غیرمعمولی ترقی دے نال نال خطے اچ امن، استحکام تے ترقی دے ودھارے کیتے انھاں دیاں خدمات کوں زبردست خراجِ عقیدت پیش کیتا۔ وزیرِاعظم دفتر دے میڈیا ونگ توں جاری بیان موجب وزیرِاعظم ہک ݙینھ دے دورے تے دوحہ پُڄے تے ریاستِ قطر دے امیر دے والد شیخ حمد بن خلیفہ آل ثانی دے انتقال تے حکومتِ پاکستان تے پاکستانی عوام ولوں ریاستِ قطر دی قیادت تے عوام نال بالمشافہ تعزیت تے ہمدردی کیتی ۔ سابق وزیرِاعظم محمد نواز شریف، نائب وزیرِاعظم تے وزیرِ خارجہ اسحاق ڈار، وفاقی وزیرِ اطلاعات عطاء اللہ تارڑ تے ٻئے اعلیٰ حکام وی وزیرِاعظم دے رَلے ہن۔وزیرِاعظم پاکستان کیتے مرحوم امیرِ والد دی گرمجوشی، شفقت تے پراݨی محبت کوں خراجِ عقیدت پیش کریندیں انھاں دے پاکستان دے ٻہوں سارے یادگار دوریں کوں وی قدر و منزلت نال یاد کیتا۔ وزیرِاعظم ݙکھے ویلھے قطر دی قیادت تے عوام دے نال پاکستان دی غیرمتزلزل یکجہتی دا اعادہ کیتا تے دعا کیتی جو اللہ تعالیٰ مرحوم کوں جنت الفردوس اچ اعلیٰ مقام عطا فرماوے۔ انھاں قطر دے شاہی خاندان تے قطر دے بھرا عوام کیتے وی دعا کیتی جو اللہ تعالیٰ انھاں کوں اے ناقابلِ تلافی ݙکھ صبر تے حوصلے دے نال برداشت کرݨ دی توفیق عطا فرماوے۔ امیرِ قطر وزیرِاعظم محمد شہباز شریف، سابق وزیرِاعظم محمد نواز شریف، نائب وزیرِاعظم سینیٹر محمد اسحاق ڈار تے پاکستانی وفد دا ذاتی طور تے دوحہ آوݨ تعزیت کرݨ تے شکریہ ادا کیتا تے ایں جذبے کوں ݙوہیں بھرا ملکاں تے عوام وچال گھاٹے بھرپی دے تعلقات دا مظہر قرار ݙتا۔
