صدرِمملکت آصف علی زرداری دی ٹانک اچ پولیس اہلکاراں کوں دہشت گرد حملے دا نشانہ بݨاوݨ دی مذمت

اسلام آباد۔13جولائی (اے پی پی) صدرِمملکت آصف علی زرداری ٹانک اچ پولیس اہلکاراں کوں دہشت گرد حملہ دا نشانہ بݨاوݨ دی شدید مذمت کریندیں شہداء کوں شاندار الفاظ اچ خراجِ عقیدت پیش کیتے۔ ایوانِ صدر دے پریس ونگ موجب صدرِ مملکت حملے اچ شہید تھیوݨ آلے اہلکاراں دی شہادت تے ݙکھ تے افسوس کریندیں شہداء دے اُچے درجات تے ݙُکھی خانداناں کیتے صبرِ جمیل دی دعا کیتی۔انھاں آکھیا جو پولیس تے قانون نافذ کرݨ آلے اداریں دے بہادر اہلکار وطن دے امن کیتے ناقابلِ فراموش قربانیاں ݙیندے پئن، پوری قوم انھاں کوں سلام پیش کریندی اے۔ صدرِ مملکت آکھیا جو ٻاہرلی سرپرستی اچ سرگرم پاکستان دشمن دہشت گرد عناصر دے مذموم عزائم ہر قیمت تے ناکام بݨائے ویسن۔