چیئرپرسن بی آئی ایس پی سینیٹر روبینہ خالد دی ایشیائی ترقیاتی بینک دے وفد نال ملاقات

اسلام آباد۔ 13 جولائی(اے پی پی)چیئپرسن بینظیر انکم سپورٹ پروگرام سینیٹر روبینہ خالد بی آئی ایس پی ہیڈکوارٹرز اچ ایشیائی ترقیاتی بینک دے وفد نال ملین۔ انہاں انٹیگریٹڈ سوشل پروٹیکشن ڈویلپمنٹ پروگرام، ایںدی اضافی مالی معاونت اتے بی آئی ایس پی دے صحت و تعلیم بارے مشروط نقد مالی معاونت سانڳے جاری منصوبیاں دا جائزہ ڳھدے۔ سینیٹر روبینہ خالد عزم دوہرایا جو بی آئی ایس پی شفاف، جدید ٹیکنالوجی تے مبنی اتے جامع سماجی تحفظ دی خدمات سانڳے اپݨیاں کوششاں جاری رکھیسی۔ اجلاس اچ پروگرام دے ڈیزائن اینڈ مانیٹرنگ فریم ورک، ڈِسبرسمنٹ لنکڈ اِنڈیکیٹرز، پروگرام ایکشن پلان، تکنیکی معاونت، رپورٹنگ دے تقاضیاں، نوعمر ٻالڑیاں دی غذائیت بارے اقدامات تے آئندہ عملدرآمد دے انتظامات تے تھیوݨ آلی پیشرفت دا وی جائزہ گھدا ڳیا۔ اے ڈی بی دے وفد پروگرام تے مؤثر عملدرآمد اچ بی آئی ایس پی دی پیشرفت کوں سراہا اتے پاکستان دے سماجی تحفظ دے نظام کوں ٻیا مضبوط ٻݨاوݨ کیتے آپݨے تکنیکی اتے مالی تعاون کوں جاری رکھݨ دا عزم دوہرایا۔ اے ڈی بی دے وفد اچ منصور علی مسعود (شریک سربراہ مشن و سینئر پراجیکٹ آفیسر)، ہڈو ہُوٹزنگ (سینئر سوشل سیکٹر سپیشلسٹ، صحت و سماجی تحفظ)، ژن لانگ (شریک سربراہ مشن و پرنسپل سوشل سیکٹر اسپیشلسٹ)، ڈاکٹر مختار احمد (ٹی اے ٹیم لیڈر / نیشنل سوشل پروٹیکشن اسپیشلسٹ) اتے نعمان علی (پروگرام امپلیمنٹیشن اسپیشلسٹ) ڄݙاں جو بی آئی ایس پی دے ایڈیشنل سیکرٹری ڈاکٹر عصمت نواز اتے بی آئی ایس پی دے ڈائریکٹر جنرلز شرکت کیتی۔