وزیرِ داخلہ محسن نقوی دا ایف بی آئی ہیڈ کوارٹر دا دورہ، ڈائریکٹر نال ملاقات دے دوران اہم معاملیاں تے ڳالھ مہاڑ

واشنگٹن۔14جولائی (اے پی پی) وفاقی وزیرِ داخلہ محسن نقوی واشنگٹن اچ ایف بی آئی ہیڈ کوارٹر دا دورہ کیتا جتھاں انھاں ادارے دے ڈائریکٹر کاش پٹیل نال ملاقات کیتی جئیں دوران اہم معاملیاں تے ڳالھ کیتی ڳئی۔ ایکس تے آپݨے بیان اچ کاش پٹیل دا آکھݨ ہئی جو ایف بی آئی ہیڈکوارٹرز اچ پاکستانی وزیرِ داخلہ دی میزبانی کرݨ اعزاز دی ڳالھ اے، خطے اچ امریکی مفادات دے تحفظ کیتے ایف بی آئی انھاں دے تعاون کوں تہہ دل توں سراہندی اے۔ ملاقات دے دوران ملک تے بیرونِ ملک دہشت گردی دی مالی معاونت (کاؤنٹر ٹیررازم فنانسنگ) دی روک تھام تے سائبر تحقیقات نال نٻڑݨ کیتے وسائل دی فراہمی تے خصوصی تربیت دی سہولت فراہم کرݨ دے حوالے نال اہم ڳالھ مہاڑ تھئی۔ کاش پٹیل دا آکھݨ ہئی جو اساݙی شراکت داری ݙاݙھی اہم اے تے اساں مستقبل اچ ٻئی کامیابیاں دے خواہاں ہن۔