اسلام آباد۔14جولائی (اے پی پی) نائب وزیرِاعظم تے وزیرِخارجہ اسحاق ڈار نال سارک دے سیکرٹری جنرل محمد غلام سرور وزارتِ خارجہ اچ ملاقات کیتی۔ وزارتِ خارجہ دے ترجمان ولوں جاری بیان موجب نائب وزیرِاعظم تے وزیرِخارجہ اسحاق ڈار سیکرٹری جنرل دی علاقائی تعاون دے ودھارے کیتے کوششاں دی تعریف کریندے سارک دے عمل کیتے پاکستان دے غیر متزلزل عزم دا اعادہ کیتا۔انھاں ایں ڳالھ تے زور ݙتا جو سارک دے …
نائب وزیرِاعظم تے وزیرِخارجہ اسحاق ڈار نال سارک دے سیکرٹری جنرل محمد غلام سرور دی ملاقات
مزید خبراں
اسلام آباد۔14جولائی (اے پی پی) نائب وزیرِاعظم تے وزیرِخارجہ اسحاق ڈار نال سارک دے سیکرٹری جنرل محمد غلام سرور وزارتِ خارجہ اچ ملاقات کیتی۔ وزارتِ خارجہ دے ترجمان ولوں جاری بیان موجب نائب وزیرِاعظم تے وزیرِخارجہ اسحاق ڈار سیکرٹری جنرل دی علاقائی تعاون دے ودھارے کیتے کوششاں دی تعریف کریندے سارک دے عمل کیتے پاکستان دے غیر متزلزل عزم دا اعادہ کیتا۔انھاں ایں ڳالھ تے زور ݙتا جو سارک دے منشور دے اصولاں دی روشنی اچ تنظیم کوں نویں سِروں متحرک کرݨ ویلھے دی اہم لوڑھ اے تاں جو علاقائی رابطے، پائیدار ترقی تے جنوبی ایشیا دے عوام دی سانجھی خوشحالی کوں ودھارا ݙتا ونڄ سڳے۔ انھاں خطے دی ودھ آبادیاتی تے معاشی صلاحیتاں کوں وی اڳونہا کیتا۔ سیکرٹری جنرل محمد غلام سرور سارک تے ایں دے اداریں کیتے پاکستان دی مستقل حمایت دی تعریف کیتی تے علاقائی و عالمی امن دے ودھارے اچ پاکستان دے تعمیری کردار تے نائب وزیرِاعظم و وزیرِخارجہ دا شکریہ ادا کیتا۔ نائب وزیرِاعظم تے وزیرِ خارجہ سیکرٹری جنرل کیتے انھاں دی مدتِ ملازمت دے کامیاب اختتام دی نیک تمناؤں دا اظہار کریندیں انھاں دے مستقبل دی ساریاں کوششاں کیتے وی نیک خواہشات دا اظہار کیتا۔
