وزیر اعظم دا پاک افغان سرحد تے فتنہ الہندستان دے 15 دہشت گرداں کوں جہنم واصل کرݨ تے سکیورٹی فورسز کوں خراجِ تحسین

اسلام آباد۔ 03 ستمبر (اے پی پی) وزیر اعظم محمد شہباز شریف شمالی وزیرستان دے نیڑے پاک افغان سرحد تے فتنہ الہندستان نال تعلق رکھݨ آلے خوارج دی دراندازی دی کوشش کوں ناکام بݨاوݨ تے 15 دہشت گرداں کوں جہنم واصل کرݨ تے سکیورٹی فورسز دے افسراں تے جواناں کوں شاندار خراجِ تحسین پیش کیتے۔ خمیس کوں پی ایم آفس دے میڈیا ونگ توں جاری بیان دے مطابق وزیر اعظم آکھیا جو پاکستانی سکیورٹی فورسز انتہائی پیشہ ورانہ مہارت، صبر تے جرأت دا مظاہرہ کریندے ہوئے فتنہ الخوارج دے دہشت گرداں دے ناپاک عزائم کوں خاک اچ ملا ݙتے۔ وزیر اعظم آکھیا جو ملک توں دہشت گردی دے ناسور کوں منݙھوں مکاوݨ تئیں سکیورٹی فورسز دی انسدادِ دہشت گردی دی ’’عزمِ استحکام‘‘ مہم پوری قوت تے عزم دے نال جاری رہسی، پوری قوم کوں آپݨی بہادر مسلح افواج تے فخر اے جیڑھی ملکی سرحداں دے دفاع تے وطن دی سلامتی کیتے برسرِ پیکار ہن۔