اسلام آباد۔ 09 ستمبر (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار گزریل رات مصر دے وزیرِ خارجہ ڈاکٹر بدر عبدالعاطی نال ٹیلی فون تے ڳالھ مہاڑ کیتی ڄیندے دوران آپسی قریبی تعلقات کوں اڳوں ودھاوݨ دے عزم دا اعادہ کیتا ڳیا۔ بدھ کوں دفترِ خارجہ توں جاری بیان دے مطابق ݙوہیں رہنماواں ڳالھ مہاڑ دے دوران ݙوپاسہ تعلقات دا جائزہ گھدا اتے ݙوہیں ملکاں …
نائب وزیرِ اعظم دی مصری وزیرِ خارجہ نال ٹیلی فونک ڳالھ مہاڑ، آپسی قریبی تعلقات کوں اڳوں ودھاوݨ دا عزم
مزید خبراں
اسلام آباد۔ 09 ستمبر (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار گزریل رات مصر دے وزیرِ خارجہ ڈاکٹر بدر عبدالعاطی نال ٹیلی فون تے ڳالھ مہاڑ کیتی ڄیندے دوران آپسی قریبی تعلقات کوں اڳوں ودھاوݨ دے عزم دا اعادہ کیتا ڳیا۔ بدھ کوں دفترِ خارجہ توں جاری بیان دے مطابق ݙوہیں رہنماواں ڳالھ مہاڑ دے دوران ݙوپاسہ تعلقات دا جائزہ گھدا اتے ݙوہیں ملکاں دے درمیان قریبی تے برادرانہ تعلقات کوں اڳوں ودھاوݨ دے عزم دا اعادہ کیتا۔ انہاں علاقائی صورتحال تے علاقائی معاملیاں تے قریبی مشاورت دی ضرورت تے ڳالھ کیتی ڄیندے اچ سعودی عرب تے ترکیہ دے نال علاقائی چار ملکاں دے وزرائے خارجہ (آر فور) دے ذریعے مشاورت وی شامل اے۔ ݙوہیں رہنماواں اقوامِ متحدہ دی جنرل اسمبلی دے آندے اجلاس دے موقع تے نیویارک اچ ملاقات کرݨ تے وی اتفاق کیتا۔
