اسلام آباد۔ 15 ستمبر (اے پی پی) نائب وزیراعظم تے وزیرِ خارجہ سینیٹر محمد اسحاق ڈار تے آئی اے ای اے دے ڈائریکٹر جنرل تے اقوامِ متحدہ دے سیکرٹری جنرل کیتے امیدوار سفیر رافیل گروسی خطے دی بدلدی ہوئی صورتحال تے ڳالھ مہاڑ کیتی۔ منگل کوں دفترِ خارجہ توں جاری بیان دے مطابق ݙوہائیں رہنماواں آپݨی ٹیلیفونک ڳالھ مہاڑ اچ ایں ڳالھ تے اتفاق کیتا جو کشیدگی گھٹ کرݨ کیتے …
نائب وزیراعظم اسحاق ڈار تے اقوامِ متحدہ دے سیکرٹری جنرل کیتے امیدوار رافیل گروسی دا خطے دی بدلدی صورتحال تے ڳالھ مہاڑ
اسلام آباد۔ 15 ستمبر (اے پی پی) نائب وزیراعظم تے وزیرِ خارجہ سینیٹر محمد اسحاق ڈار تے آئی اے ای اے دے ڈائریکٹر جنرل تے اقوامِ متحدہ دے سیکرٹری جنرل کیتے امیدوار سفیر رافیل گروسی خطے دی بدلدی ہوئی صورتحال تے ڳالھ مہاڑ کیتی۔ منگل کوں دفترِ خارجہ توں جاری بیان دے مطابق ݙوہائیں رہنماواں آپݨی ٹیلیفونک ڳالھ مہاڑ اچ ایں ڳالھ تے اتفاق کیتا جو کشیدگی گھٹ کرݨ کیتے اسلام آباد مفاہمتی یادداشت (ایم او یو) تے عملدرآمد بہترین راہ اے۔ رافیل گروسی ضرورت پووݨ تے ایں حوالے نال تکنیکی معاونت فراہم کرݨ دی پیشکش کیتی۔ نائب وزیراعظم تے وزیرِ خارجہ اقوامِ متحدہ دے منشور دے مقاصد تے اصولاں کوں اڳوں ودھاوݨ تے بین الاقوامی قوانین تے معاہدیاں دا احترام کرݨ کیتے پاکستان دے مستقل عزم دا اعادہ کیتا اتے عالمی امن تے ترقی دے ایجنڈے دے حصول اچ اقوامِ متحدہ دے نظام دی اہمیت کوں وی اجاگر کیتا۔ انہاں اقوامِ متحدہ دے سیکرٹری جنرل دے عہدے کیتے آپݨی مہم اچ رافیل گروسی کیتے نیک خواہشات دا اظہار کیتا۔
