اسلام آباد۔ 15 ستمبر (اے پی پی) صدر مملکت آصف علی زرداری آکھیا جو پاکستان تے چین وچال سٹریٹجک آپسی اعتماد برقرار رکھݨ تے ٻیا مضبوط بݨاوݨ کیتے اعلیٰ سطحی تبادلیاں دا تسلسل، عوامی سطح تے روابط دا فروغ تے اقتصادی تعاون کوں ٻیا وسیع کرݨ ضروری اے۔ منگل کوں ایوانِ صدر دے پریس ونگ توں جاری بیان دے مطابق انہاں اے ڳالھیں چین کیتے پاکستان دے نامزد سفیر ڈاکٹر …
پاک چین سٹریٹجک اعتماد برقرار رکھݨ، اونکوں مضبوط بݨاوݨ کیتے اعلیٰ سطحی تبادلے، عوامی روابط تے اقتصادی تعاون اچ توسیع ضروری اے، آصف علی زرداری
اسلام آباد۔ 15 ستمبر (اے پی پی) صدر مملکت آصف علی زرداری آکھیا جو پاکستان تے چین وچال سٹریٹجک آپسی اعتماد برقرار رکھݨ تے ٻیا مضبوط بݨاوݨ کیتے اعلیٰ سطحی تبادلیاں دا تسلسل، عوامی سطح تے روابط دا فروغ تے اقتصادی تعاون کوں ٻیا وسیع کرݨ ضروری اے۔ منگل کوں ایوانِ صدر دے پریس ونگ توں جاری بیان دے مطابق انہاں اے ڳالھیں چین کیتے پاکستان دے نامزد سفیر ڈاکٹر سید علی اسد گیلانی نال ڳالھ مہاڑ کریندے ہوئیں کیتا ڄنہاں ایوانِ صدر اچ انہاں نال ملاقات کیتی۔ ایں موقع تے سینیٹر سلیم مانڈوی والا وی موجود ہن۔ صدر مملکت آکھیا جو چین دے نال تعلقات پاکستان دی خارجہ پالیسی دا سب توں اہم پہلو اے۔ انہاں نامزد سفیر کوں چینی حکومتی اداریاں، کمیونسٹ پارٹی آف چائنا دی قیادت، تھنک ٹینکس، تعلیمی اداروں تے میڈیا دے نال فعال روابط برقرار رکھݨ تے عوامی سطح تے تعلقات کوں فروغ ݙیوݨ دی ہدایت کیتی ڄنہاں اچ طلبہ دے تبادلے وی شامل ہن۔ انہاں دا آکھݨ ہئی جو او آندے سال ایس سی او سربراہی اجلاس کیتے صدر شی جن پنگ دے دورہ پاکستان دے منتظر ہن۔
