نیویارک۔22 ستمبر(اے پی پی)نائب وزیراعظم تے وزیرِ خارجہ سینیٹر محمد اسحاق ڈار اقوامِ متحدہ دی جنرل اسمبلی دے 81ویں اجلاس دے موقع تے لیبیا دے قائم مقام وزیر برائے خارجہ امور و بین الاقوامی تعاون الطاہر الباعور نال ملین۔ انہاں علاقائی، بین الاقوامی اتے مشرقِ وسطیٰ دی بدلدی صورتحال تے الایا۔ ݙوہائیں رہنماواں پاکستان اتے لیبیا دے مختلف شعبیاں بالخصوص تجارت، تعلیم اتے کاروباری سطح تے روابط سودھا دوستانہ تعلقات …
نائب وزیراعظم دی لیبیا دے قائم مقام وزیر برائے خارجہ امور نال ملاقات
نیویارک۔22 ستمبر(اے پی پی)نائب وزیراعظم تے وزیرِ خارجہ سینیٹر محمد اسحاق ڈار اقوامِ متحدہ دی جنرل اسمبلی دے 81ویں اجلاس دے موقع تے لیبیا دے قائم مقام وزیر برائے خارجہ امور و بین الاقوامی تعاون الطاہر الباعور نال ملین۔ انہاں علاقائی، بین الاقوامی اتے مشرقِ وسطیٰ دی بدلدی صورتحال تے الایا۔ ݙوہائیں رہنماواں پاکستان اتے لیبیا دے مختلف شعبیاں بالخصوص تجارت، تعلیم اتے کاروباری سطح تے روابط سودھا دوستانہ تعلقات کوں ٻیا مضبوط ٻݨاوݨ اچ دلچسپی ݙکھائی اتے علاقائی و بین الاقوامی صورتحال بشمول مشرقِ وسطیٰ دی بدلدی صورتحال تے ڳالھ کیتی۔ انہاں علاقائی امن، توانائی دی فراہمی اتے عالمی معیشت بالخصوص ترقی پذیر ممالک تے ایںدے اثرات تے وی الایا۔ لیبیا دے وزیرِ خارجہ علاقائی امن تے استحکام کیتے پاکستان دیاں تعمیری سفارتی کوششاں کوں سراہیا۔ نائب وزیراعظم تے وزیرِ خارجہ محمد اسحاق ڈار زور ݙتا جو علاقائی چیلنجز نال نمٹݨ کیتے مذاکرات تے سفارت کاری ہی قابلِ عمل ذرائع ہین، علاقائی استحکام کیتے سارے فریقاں کوں اسلام آباد مفاہمتی یادداشت دو ولݨا چاہیدے۔
