اسلام آباد۔15 اکتوبر(اے پی پی)وزیراعظم محمد شہباز شریف پشاور دے علاقے دیر کالونی اچ نجی سکول دی چھت ڈاھݨ دے افسوسناک واقعے اچ قیمتی جاناں دے ضیاع تے ݙاݙھا افسوس کیتے۔ وزیراعظم سماجی رابطے دے پلیٹ فارم ایکس تے پوسٹ اچ آکھیا جو میں پشاور دے علاقے دیر کالونی اچ نجی سکول دی چھت ڈاھݨ دے افسوسناک واقعے اچ قیمتی جاناں دے ضیاع تے ݙکھی ہاں، میݙا دل المناک واقعے …
وزیراعظم دا پشاور اچ نجی سکول دی چھت ڈاھݨ پاروں قیمتی معصوم جاناں دے ضیاع تے افسوس
مزید خبراں
اسلام آباد۔15 اکتوبر(اے پی پی)وزیراعظم محمد شہباز شریف پشاور دے علاقے دیر کالونی اچ نجی سکول دی چھت ڈاھݨ دے افسوسناک واقعے اچ قیمتی جاناں دے ضیاع تے ݙاݙھا افسوس کیتے۔ وزیراعظم سماجی رابطے دے پلیٹ فارم ایکس تے پوسٹ اچ آکھیا جو میں پشاور دے علاقے دیر کالونی اچ نجی سکول دی چھت ڈاھݨ دے افسوسناک واقعے اچ قیمتی جاناں دے ضیاع تے ݙکھی ہاں، میݙا دل المناک واقعے اچ جاں بحق تھیوݨ والے ٻالاں اتے استاداں دے سوگوار ٹٻڑاں دے نال اے۔ وزیراعظم آکھیا جو جاں بحق افراد دے خانداناں کیتے صبر و ہمت دی دعا کرینداں۔ وزیراعظم آکھیا جو میں گورنر خیبر پختونخوا فیصل کریم کنڈی نال فوری رابطہ کیتے اتے انہاں توں واقعے دی مکمل رپورٹ منڳی اے۔ وزیراعظم آکھیا جو واقعے اچ زخمی تھیوݨ والے ٻالاں اتے ٻئے لوکاں کوں بہترین طبی سہولیات ݙیوݨ اتے متاثرہ خانداناں کوں ہر ممکن مدد دی ہدایت کیتی اتے واقعہ دے سارے پہلوآں دا جائزہ گھݨ ت ذمہ داراں دے خلاف قانون دے مطابق کارروائی کرݨد ا آکھیے۔
