اسلام آباد۔14اکتوبر(اے پی پی)وفاقی وزیر اطلاعات و نشریات چوہدری فواد حسین نآکھیے جو ڈی جی آئی ایس آئی دی تقرری تے سول و عسکری قیادت ہکے صفحے تے ہین، تقرری تیکھے تھیسی، اے فیصلہ بالکل ہک ٻئے دے اعتماد نال تھیسی، افغانستان کوں کلہا نہ چھڑیڄے نتاں پورے ڄڳ کوں ضیان تھی سڳدے،مہانگ نال نٻݨݨ کیتے نویں اکنامک پالیسی ٻݨائی اے، نومبر توں 3 وݙے پروگرام صحت کارڈ، کسان کارڈ اتے احساس کارڈ شروع تھیندے پین۔ اے ڳالھ انہاں پاکستان تحریک انصاف دی پارلیمانی پارٹی دے اجلاس دے بعد میڈیا بریفنگ اچ آکھی۔ انہاں آکھیا جو اجلاس اچ فوکس افغانستان تے ہا، وزیراعظم ارکان کوں افغانستان دی صورتحال تے اعتماد اچ ڳھدے اتے اپکستان دا موقف ݙسائے جیکر افغانستان کوں کلہا چھوڑیا تاں عدم استحکام آسی اتے ولا دہشتگردی سر چا سڳدی اے، ایندا پاکستان ہی نئیں پورے ڄڳ کوں نقصان تھیسی۔ وزیر اطلاعات آکھیا جو وزیراعظم پارلیمانی پارٹی کوں ڈی جی آئی ایس آئی دی تقرری سانڳے اعتماد اچ ڳھدا جو فوج اتے حکومت ہکے صفحے تے ہین، آرمی چیف نال خوشگوار تعلقات ہین، آرمی چیف پاکستان اچ جمہوریت اتے سول حکومت کوں ادارہ جاتی اہمیت ݙیندن، ملک اتے قوم دا سر اچا راہسی۔ زیر اطلاعات آکھیا جو اجلاس اچ مہانگ تے وی ڳالھ تھئی اے جیندی وجہ عالمی کساد بازاری، پٹرول، پام آئل اتے اشیا دیاں ودھدیاں قیمتاں ہین، مہنگائی نال نمتن کیتے نویں اکنامک پالیسی ٻݨاعی اے۔ وفاقی وزیر اطلاعات آکھیا جو وزیراعظم پی ٹی آئی دے سارے لوکاں کوں 12 ربیع الاول شایان شان مانوݨ دی ہدایت کیتی اے۔
