ملتان۔13اپریل (اے پی پی) ایڈیشنل چیف سیکرٹری جنوبی پنجاب کیپٹن ر ثاقب ظفر آکھیا جو ملتان اتے بہاولپور سیکرٹریٹ دے منصوبیاں تے مجموعی طور تے ست ارب 19 کروڑ روپے خرچیے ویندے پئن۔ جنوبی پنجاب سیکرٹریٹ بہاولپور دی تعمیر شروع کر ݙتی ڳئی اے اتے اے منصوبہ چار سو کنال اراضی تے ٻݨایا وینداپئے۔ ملتان اتے بہاولپور سیکرٹریٹ دے منصوبوں تے مجموعی طور تے 7ارب19کروڑ روپے خرچ کیتے ویندے پئن۔ اے ڳالھیں انہاں سیکرٹریٹ دے منصوبیاں دے جائزہ اجلاس توں خطاب کریندیں ہوئیں آکھی۔ اجلاس اچ سیکرٹری ایری گیشن جنوبی پنجاب عامر خٹک اتے سیکرٹری سروسز ساوتھ پنجاب نوشین ملک دے علاوہ ملتان اتے بہاولپور ضلعیاں دی انتظامیہ،آئی ڈیپ پاکستان ریلوے اتے میپکو دے سینئیر افسرشریک تھیے۔
