اسلام آباد۔17اپریل (اے پی پی):وزیراعظم محمدشہبازشریف آکھیے جو دیامیربھاشاڈیم دی تکمیل توں سستی بجلی دی پیداوردے نال نال زرعی پیداواراتے سرگرمیاں اچ ودھارا تھیسی،اے منصوبہ مستقبل اچ پاکستان دی معیشت کیتے اہمیت رکھیندے ۔ وزیراعظم اے ڳالھ اتوار کوں دیامیربھاشاڈیم دی تعمیراتی سائیٹ تے بریفنگ دے بعد خطاب کریندے ہوئیں آکھی اے ۔وزیراعظم آکھیے جو 4500میگاواٹ بجلی دی پیداوار دا اے منصوبہ ملکی معیشت کیتے اہمیت رکھݨ آلا منصوبہ اے، وزیراعظم اے ڳالھ زور ݙے تے آکھی اے جو منصوبہ نظام الاوقات دے مطابق 2029 توں پہلے مکمل ہووݨا چاہیدے ، میݙا اصرار اے جو منصوبہ 2029 دی بجائے 2026-27 اچ جے مکمل تھی ونڄے تاں اے ھک معجزہ ہوسی، ایں دنیا اچ کوئی چیز وی ناممکن کائنی، جے اساں اتفاق واتحاد دا مظاہرہ کروں تاں اے ہدف حاصل تھی سڳدے ۔ وزیراعظم آکھیے انہاں کوں خوشی اے جو سابق وزیراعظم محمد نوازشریف 2016 اچ ایں منصوبے تے کم شروع کیتا تے مسلم لیگ ن دی حکومت زمین گھنݨ کیتے فنڈز ݙتے ۔وزیراعظم آکھیے اے ھک وݙا ہدف اے تے منصوبہ دی کوں وختی توڑ پڄاوݨ کیتے وفاقی حکومت مکمل تعاون کریسی ۔وزیراعظم مستقبل اچ منصوبہ دی فنڈز ریزنگ کیتے بین الاقوامی سرمایہ کاری کوں راغب کرݨ دی تجویز ݙتی ، وزیراعظم 13 کلومیٹرطویل بابوسرٹاپ ٹنل دی تعمیر دے منصوبے دا اعلان وی کیتا تے تاں جو سارا سال مانسہرہ اتے چلاس دے درمیان ٹریفک دی روانی داتسلسل برقرارکھیا ونڄ سڳے ، وزیراعظم ایں ضمن اچ حکام کوں تفصیلی رپورٹ پیش کرݨ دی ہدایت کیتی ۔
