اسلام آباد۔18اپریل(اے پی پی)پاکستان بھارت دی مختلف ریاستاں اچ جنونی ہندواں ولوں مسلماناں دے خلاف تشدد اتے ٹارگٹڈ حملاں دی مہم دی شدید مذمت کیتی اے۔ وزارت خارجہ دے ترجمان آکھیے جو جنونی ہندوانتہا پسنداں دہلی دی جہانگیر پوری جامع مسجد اچ زعفرانی پرچم لہراوݨ دی مذموم کوشش کیتی جتھاں مسلمان روزہ افطار کرݨ آلے، تضحیک آمیز نعرے بازی، اشتعال انگیز موسیقی وڄاݨ اتے ہنومان شوبھا یاترا دے جلوس اچ ہتھیاراں دی نمائش مسلماناں دے خلاف بھارت اچ ریاستی منظور شدہ مہم اتے نفرت دی سنگینی ݙسیندے۔ ترجمان آکھیے جو واقعے فروری 2020 دے دہلی قتل عام دی ہولناک یاداں کوں ولا تازہ کر ݙتےجو مسلم کمیونٹی نال وانڄھ کرتے انہاں کوں بے دخل کرݨ اتے غیر انسانی سلوک دا نشانہ ٻݨاوݨ ہا۔ بیان موجب مسلماناں دے گھر ساڑݨ، کاروبار اتے دکاناں ݙھواوݨ، مسیتاں تے حملے، مدھیہ پردیش اتے گجرات دی ریاستاں اچ مقامی حکام ولوں مظالم بھارتی معاشرے اچ ہندوتوا نظریے کوں ودھدا ݙکھیندن، ایں رحجان تے پاکستان افسوس کریندے، اے چنتے آلی ڳالھ اے جو مسلماناں دے خلاف باقاعدہ مہم چلائی ویندی پئی اے۔ پاکستان بھارتی حکومت توں انہاں سارے واقعات دی تحقیقات اتے مسلماناں کوں تحفظ ݙیوݨ دا مطالبہ کیتے۔ وزارت خارجہ دے ترجمان عالمی برادری خصوصا اقوام متحدہ اتے متعلقہ بین الاقوامی انسانی حقوق دی تنظیماں توں مطالبہ کیتے جو او اقلیتاں بالخصوص مسلماناں دے خلاف انسانی حقوق دی سنگین خلاف ورزیاں تے بھارتی حکومت نال الاون۔
