کوئٹہ۔22اپریل(اے پی پی)بلوچستان اچ آواران دے علاقے کاہان اچ سکیورٹی فورسز اتے دہشتگرداں اچ جھڑپ تھئی جیندے اچ پاک فوج دا میجر شاہد بشیر بہادری نال بھڑدے شہید تھئے ڄݙاں جو ہک سپاہی زخمی تھی ڳئے۔ آئی ایس پی آر موجب دہشتگرداں سکیورٹی فورسز دی چوکی کوں چٹیے، سکیورٹی فورسز دی ویلھے سر کارروائی پاروں دہشتگرد ٻھڄ ڳین۔ آکھیا ڳئے جو سکیورٹی فورسز قوم دے تعاون نال بلوچستان دا امن و استحکام خران کرݨ دی کوششاں ناکام ٻݨاوݨ کیتے ہر ویلھے تیار اے۔
