اسلام آباد۔23اپریل(اے پی پی)وفاقی وزیر اطلاعات و نشریات مریم اورنگزیب آکھیے جو آزادی اظہار رائے دے تحفظ تے کوئی سمجھوتہ نہ کیتا ویسی، پیکا آرڈیننس اتے پی ایم ڈی اے جھیں کالے قوانین نال 22 کروڑ عوام کوں غلام ٻݨاوݨ دی سازش تھئی اے۔ اسلام آباد اچ سی پی این ای، اے پی این ایس، پی بی اے، پی ایف یو جے اتے AEMEND دے نمائنداں دی میڈیا جوائنٹ ایکشن کمیٹی دے ارکان نال ملݨ ویلھے انہاں آکھیا جو فیک نیوز مکاوݨ کیتے قانون سازی کیتی ویسی، پیمرا قانون اچ صلاح مشورے نال قانون سازی دی شق پاتی ویسی، فیک نیوز مکاوݨ نال قومی سلامتی مفادات، عوام دے اتحاد کوں نقصان پچاوݨ دا خاتمہ تھیسی، اساں صحافی برادری دی مشاورت نال چلسوں، صحافیاں دی معاشی تباہی دا احساس اے، انہاں دا احساس کیتا ویسی۔ وفاقی وزیر اطلاعات آکھیا جو ملک دی معاشی تباہی دی بحالی دی کوشش کریندے پئے ہیں، غیرملکی سازش دے ناں تے اداراں، عدلیہ، میڈیا تے چیکڑ سٹݨ آلیاں کوں موقع نجہ ݙتا ونڄے، فسادی ایجنڈے کوں مٹاوݨ کیتے میڈیا کردار ادا کرے۔
