وزیر اعظم شہباز شریف عید دیاں چھٹیاں لاہوراچ گزارݨ توں بعد جمعے دی سویل اسلام آباد پڄ تے دفتر اچ آپݨے فرائض نبھاوݨ شروع کرݙتن، ’’عید دیاں چھٹیاں اچ آرام کرڳھدا، ہݨ کم تے توجہ ݙتی ونڄے ‘‘، وزیر اعظم دا ٹویٹ

اسلام آباد۔6مئی(اے پی پی):وزیراعظم شہبازشریف قوم تے زور ݙتے جو ہݨ کم تے توجہ ݙتی ونڄے ، جمعے کوں آپݨے ھک ٹویٹ اچ وزیراعظم آکھیے جو او امید کریندن جو عوام عید دیاں چھٹیاں چنڳے طریقے آپݨے گھر آلیں نال گزارئن تے ہݨ آرام وی کر ڳھدے ، ہݨ اساکوں کم تے توجہ ݙیوݨی چاہیدی اے ۔عید دیاں چار چھٹیاں دے بعد جمعہ کوں دفتر کھل ڳئے تے کاروبار زندگی وی بحال تھی ڳئے۔ وزیراعظم شہباز شریف، جیڑھے جو ھک بہترین منتظم اتے کم کوں تکھا کرݨ اتے توڑ پڄاوݨ دی شہرت رکھیندن ، قوم توں وی توقع رکھیندن جو او انہاں دی پیروی کریندے ہوئیں ملکی تعمیر و ترقی کیتے محنت ، لگن تے جانفشانی نال کم کرن ۔ وزیراعظم جنہاں عید دیاں چھٹیاں لاہور اچ گزاریاں، جمعہ کوں سویلے ہی اسلام آباد پڄ ڳئن تے تے آپݨے دفتر اچ کم شروع کرݙتا ۔