اسلام آباد۔21مارچ(اے پی پی):چین تے پاکستان وچال ثقافتی تعلقات اتے تبادلیں دی تاریخ ٻہوں لمبی اے ، چینی میڈ یا ایں واری مجموعی طور تے 203 ثقافتی آثارقدیمہ دی نمائش کیتی ویندی پئی اے ۔ انہاں دے وچ پاکستان اچ ݙوجھی صدی توں پہلے توں گھن تے ݙاہویں صدی عیسوی تئیں دے آثار قدیمہ دی کھٹائی توں ملݨ آلے 173ثقافتی آثار (سیٹ) اتے پیلس میوزیم اچ محفوظ 30 چیزاں (سیٹ) شامل ہن ۔ انہاں اچوں زیادہ تر قدیم گندھارا خطے توں قدیم شاہراہ ریشم تے سوات اتے کشمیر دے رستے چین دے مغربی تبت اچ داخل تھئے ہن ۔گندھارا قدیم شاہراہ ریشم تے نقل و حمل دا ھک مرکز ہئی ، جتھاں یونان ، فارس اتے ہندوستان جیہی متنوع تہذیباں موجود رہیاں ، اتے ٻہوں ساریاں ثقافتاں دے ملاپ توں ھک خوش رنگ تہذیب تشکیل پاتی ۔ چین تے پاکستان ݙوہیں شاہراہ ریشم تے پھٹݨ آلی قدیم تہذیباں دے امین ہن تے ݙوہیں ملکاں وچال ثقافتی اتے فنکارانہ تبادلیں دی تاریخ کوں پراݨہ قرار ݙتا ونڄ سڳدے ۔ پاکستان آوݨ آلے سارے چینی ڄاݨدن جو پاکستان دے دارالحکومت اسلام آباد توں تقریبا 50 کلومیٹر دے فاصلے تے ھک مشہور قدیم شہر ٹیکسلا ہے تے ایندی تاریخ کئی ہزار سال پراݨی ہے ۔
