دہشت گرد لُک تے ہی عدالت آندن ، ویلھا پرے کائنی جݙاں منہ ُلکا تے آوݨا پوسی ، پولیس دے سر بھنݨ ، پٹرول بم سٹݨ ، جوڈیشل کمپلیکس تے مسلح جتھیں نال حملہ آور تھیوݨ دے بعد ذال تیݙی ݙر ڳئی ؟ وزیر اطلاعات مریم اورنگزیب

اسلام آباد۔21مارچ(اے پی پی) وفاقی وزیر اطلاعات و نشریات مریم اورنگزیب آکھیے دہشت گرد لُک تے ہی عدالت آندن ، ویلھا پرے کائنی جݙاں منہ ُلکا تے آوݨا پوسی ، پولیس دے سر بھنݨ ، پٹرول بم سٹݨ ، جوڈیشل کمپلیکس تے مسلح جتھیں نال حملہ آور تھیوݨ دے بعد ذال تیݙی ݙر ڳئی ؟ مریم نواز دے نیب سیل اچ کیمرہ لاتے آپݨے موبائل تے ݙیکھدے ہن ، اویں ویلھے شرم تے حیا ہئی؟آپݨے ٹویٹ اچ وفاقی وزیر مریم اورنگزیب آکھیے مریم نواز دے بیڈروم اچ رات کوں وڑ ونڄݨ دا آرڈر ݙیندے شرم آئی ہئی؟شہباز شریف دی دھی دےگھر نیب کوں حملہ کرݨ دا حکم ݙیندے شرم آئی ؟فریال تالپور کوں عید تے ہسپتال توں گھیل تے گھن آندے ہوئیں تے مسیت نبوی اتے لندن اچ میں تے حملہ کرویندے شرم آئی؟ پنکی باجی کوں ہیرے،مندریاں گھندے ݙر لڳیا تے چیکاں نکلدیاں ہن ؟