چیف جسٹس لاہور ہائیکورٹ عدالت عالیہ دی تاریخی عمارت تے پرچم کشائی کیتی،ترجمان

لاہور۔14اگست  (اے پی پی):چیف جسٹس لاہور ہائیکورٹ محمد امیر بھٹی عدالت عالیہ لاہور دی تاریخی عمارت تے پرچم کشائی کیتی۔ترجمان لاہور ہائیکورٹ موجب تقریب دے شرکا نال ڳالھ کریندے ہوئیں چیف جسٹس لاہور ہائیکورٹ آکھیے اڄ دا ݙینھ اساکوں وݙیں دیاں قربانیاں دی یاد ݙویندے اساں کیتے خوشی دی ڳالھ اے جو اساں اڄ 76واں یومِ آزادی منیندے پیوں انہاں آکھیے کوئی شک کائنی جو اڄ ساݙا ملک اوکھے دور توں لنگھدا پئے تے ایں سانڳے اساکوں رل مل تے کم کرݨا اے اڄ اساکوں قومی یکجہتی اتے اتحاد دی لوڑھ اے ۔ چیف جسٹس سارے حاضرین کوں یوم آزادی دی مبارخ ݙتی ۔پرچم کشائی دی تقریب اچ لاہور ہائیکورٹ دے جسٹس علی باقر نجفی، جسٹس شاہد بلال حسن، جسٹس عالیہ نیلم، جسٹس طارق سلیم شیخ، جسٹس اسجد جاوید گھرال، جسٹس انوار حسین، جسٹس علی ضیا باجوہ، جسٹس شکیل احمد اتے جسٹس فاروق حیدر سودھے بئے جج وی موجود ہن ۔ پولیس دے چاک و چوبند دستے چیف جسٹس اتے ججاں کوں سلامتی ݙتی ۔