پاکستان ہمیشہ مسئلیں تے قابو پاتے ، بیان بازی دی بجائے عملی کم تے توجہ دی لوڑھ اے ، وزیراعظم محمد شہباز شریف

اسلام آباد۔14اگست  (اے پی پی):وزیراعظم محمد شہباز شریف آکھیے پاکستان ہمیشہ مسئلیں تے قابو پاتے ، بیان بازی دی بجائے عملی کم تے توجہ دی لوڑھ اے تاں جو اساں خود کوں پاکستان دے تصور کوں  حقیقی شکل ݙیوݨ اچ رلا سڳوں ۔ آپݨے ٹویٹ اچ وزیراعظم آکھیے تحریک آزادی دے دوران ٻہوں اوکھ ہئی تے اساں گزریل 76 سال دے دوران مختلف  طریقیں نال چیلنجز نال نبݨدے رہیے ، مسئلے بھاویں کتنے ہی کیوں نہ ہوون پاکستان ہمیشہ انہاں تے غالب رہیے ۔ انہاں آکھیے پاکستان دی آزادی دی 76 ویں سالگرہ تے میں قائداعظم اتے تحریک آزادی دے لکھاں گمنام ہیروز کوں انہاں دی بے لوث قربانیاں اتے قیام پاکستان دے مقصد کیتے انہاں دے جذبے تے لڳن تے پوری قوم نال رل تے بھرپور خراج عقیدت پیش کرینداں ۔ محمد شہباز شریف آکھیے قائداعظم محمد علی جناح دی مدابرانہ  شخصیت پاکستان دی کہانی دی تشکیل اچ ھ ہم عنصر ہئی ۔ وزیراعظم آکھیے اساں گزریل ساڈھے ترائے ݙھاکیں دے سفر اچ ٻہوں ساریاں مشکلاں کوں ہرائے تے کئی سنگ میل ڳھدے تاں جو پاکستان دی کہانی آپݨے عروج تے نی پڄی ۔ انہاں مزید آکھیے جݙاں اساں اڄ دے ݙینھ تے غور کریندوں تاں اساکوں آپݨے مادر وطن کوں اڳوں گھن ونڄݨ کیتے آپݨے بے مثال اتحاد تے یکجہتی کوں بروئے کار گھن آوݨا چاہیدے جݙاں کوئی وی قوم اتحاد کر گھنے تنہاں کوں ہرایا نی ونڄ سڳدا ۔