چیئرمین جوائنٹ چیفس آف سٹاف کمیٹی ،مسلح افواج  یوم آزادی تے قوم کوں مبارخ ݙیندی اے ، آئی ایس پی آر

راولپنڈی۔14اگست(اے پی پی) چیئرمین جوائنٹ چیفس آف سٹاف کمیٹی (سی جے سی ایس سی)،مسلح افواج دے سربراہان تے پاکستان دی مسلح افواج اسلامی جمہوریہ پاکستان دے 76ویں یوم آزادی تے قوم کوں دلی مبارخ پیش کیتی اے ۔انٹر سروسز پبلک ریلیشنز (آئی ایس پی آر) دی طرفوں یوم آزادی دے موقع تے سنوار کوں جاری پریس ریلیز اچ عسکری قیادت اتے مسلح افواج پوری قوم کوں یوم آزادی دی مبارخ ݙتی اے ۔مبارخ دے پیغام اچ آکھیا ڳئے’’اے ݙینھ اساکوں ایں وژن ، استقامت اتے اݨ ڳݨ قربانیاں دی یاد ݙویندے جیڑھی ساݙے بزرگاں مادر وطن دے دفاع اتے آپݨے وݙیں دے آزادی دے خواب کوں برقرار رکھݨ کیتے ھک آزاد اتے خودمختار ملک دے آپݨے اسلاف اتے عظیم قائد دے خواب کوں شرمندہ تعبیر کرݨ کیتے پیش کیتیاں ہن ۔  پریس ریلیز اچ آکھیا ڳئے جو آؤ سارے رل تے عہد کروں اساں پیش آندے چیلنجز نال قطع نظر،  امن، سماجی ہم آہنگی اتے قوم دے درمیان اتحاد کوں برقرار اتے تکڑا کریسوں ۔ پاکستان دی مسلح افواج اتے  عوام  دشمن قوتاں کوں کامیاب نہ تھیو ݙیسوں جیڑھے آپت اچ دراڑاں پاوݨ تے تفرقہ پاوݨ تے تلیے ہوئن ۔پاکستان دی مسلح افواج، قوم دی حمایت نال ، مادر وطن دی علاقائی سالمیت اتے امن دا ہمیشہ دفاع کریندی رہسی تے پاکستان دے عوام دیاں امنگاں دے مطابق قوم دی خدمت جاری رکھیسی ، انشاء اللہ۔