نگران وزیراعظم انوار الحق کاکڑ دی صدارت نگران وفاقی کابینہ دا اجلاس، کابینہ کمیٹی برائے قانون سازی دے 31 جنوری اتے 7 فروری 2024 دے اجلاساں اچ کیتے ڳئے فیصلیاں دی توثیق

اسلام آباد۔9فروری  (اے پی پی) نگران وزیراعظم انوار الحق کاکڑ دی صدارت نگران وفاقی کابینہ  دا اجلاس جمعے کوں تھیا۔ جمعے کوں وزیراعظم آفس  توں جاری بیان موجب وفاقی کابینہ وزارتِ دفاعی پیداوار دی سفارش تے ایئر کموڈور محمد عاطف ہاشم دی بطور ممبر ٹیکنیکل، پاکستان ایرو ناٹیکل کمپلیکس بورڈ اچ تعیناتی دی منظوری ݙے ݙتی۔ ایں فیصلے دا نفاذ 19 جولائی 2023 توں تھیسی۔ وفاقی کابینہ وزارت داخلہ دی سفارش تے نادرا دے آݙٹ کیتے اسٹیٹ بینک توں جارے تھیے کیٹگری اے دی آݙت فرم دی خدمات ڳھنݨ کیتے اوپن بڈنگ دی منظوری ݙتی ڳئی۔ وفاقی کابینہ وزارت انفارمیشن ٹیکنالوجی تے ٹیلی کمیونیکیشن دی سفارش تے ”سائبر سکیورٹی فار ڈیجیٹل پاکستان“ دے منصوبے کوں بطور ”قومی کمپیوٹر ایمرجنسی ریسپانس ٹیم(nCERT)“ نامزد کرݨ دی منظوری ݙے ݙتی اے۔  وفاقی کابینہ کوں اسلام آباد ہائی کورٹ دے فیصلے دی روشنی اچ CDA ملازمین کوں پلاٹاں دی الاٹمنٹ دی پالیسی پیش کیتی ڳئی۔  وفاقی کابینہ وزارتِ امور کشمیر و گلگت  بلتستان دی سفارش تے  Adaptation Act دے سیکشن 5(2) اچ ترمیم کرݨ دی منظوری ݙے ݙتی اے۔ وفاقی کا بینہ کابینہ کمیٹی برائے پرائیوٹائیزیشن کمیشن دے 7 فروری 2024 کوں تھیوݨ آلے اجلاس اچ کیتے ڳئے فیصلیاں دی توثیق موخر کر ݙتی۔