عام انتخابات اچ قومی اسمبلی دی جنرل نشستاں تے 11 تریمتیں وی جت ڳئی

اسلام آباد۔11فروری  (اے پی پی) عام انتخابات اچ قومی اسمبلی دی جنرل نشستاں تے 11 تریمتیں وی جت ڳئی۔ مسلم لیگ (ن) دی 4،آزاد امیدوار 4،پیپلز پارٹی 2 جڈانجو ہک نشست تے متحدہ قومی موومنٹ دی تریمت امیدوار جت ڳئی۔ الیکشن کمیشن توں جاری غیر حتمی غیر سرکاری نتیجے موجب قومی اسمبلی دے حلقہ این اے۔30 پشاور توں آزد امیدوار شاندانہ گلزار کامیاب رہیں۔این اے 67 حافظ آباد توں آزاد امیدوار انیقہ مہدی،این اے 73 ڈسکہ توں مسلم لیگ ن دی امیدوار سیدہ نوشین افتخار،این اے 112 ننکانہ توں مسلم لیگ ن دی امیدوار شذرہ منصب علی خان کھرل،این اے 119 توں مسلم لیگ ن دی امیدوار مریم نوازشریف،این اے 156 توں آذاد امیدوار عائشہ نذیر،این اے 158 وہاڑی توں مسلم لیگ ن دی امیدوار تہمینہ دولتانہ،این اے202 خیرپور توں ڈاکٹر نفیسہ شاہ،این اے 209 توں شازیہ عطاء مری اتے این اے 232 کراچی توں ایم کیو ایم پاکستان دی امیدوار آسیہ اسحاق صدیقی جت ڳئی۔