اسلام آباد۔12فروری(اے پی پی) نگران وفاقی وزیر قومی صحت ڈاکٹر ندیم جان آکھیے جو ملک توں پولیو مکاوݨ سانڳے مربوط حکمت عملی بݨا رکھی اے ، پولیو ورکرز ایں سلسلے اچ ہراول دستے دا کم کریندے پئن ۔ وزارت صحت توں جاری بیان موجب اے ڳالھ انہاں امریکی سفیر ڈونلڈ بلوم نال ھک ملاقات اچ آکھی اے ۔ ملاقات اچ صحت دے شعبے اچ تعاون تے ڳالھ مہاڑ کیتی …
ملک توں پولیو مکاوݨ سانڳے مربوط حکمت عملی بݨائی اے، نگران وفاقی وزیر قومی صحت ڈاکٹر ندیم جان
مزید خبراں
اسلام آباد۔12فروری(اے پی پی) نگران وفاقی وزیر قومی صحت ڈاکٹر ندیم جان آکھیے جو ملک توں پولیو مکاوݨ سانڳے مربوط حکمت عملی بݨا رکھی اے ، پولیو ورکرز ایں سلسلے اچ ہراول دستے دا کم کریندے پئن ۔ وزارت صحت توں جاری بیان موجب اے ڳالھ انہاں امریکی سفیر ڈونلڈ بلوم نال ھک ملاقات اچ آکھی اے ۔ ملاقات اچ صحت دے شعبے اچ تعاون تے ڳالھ مہاڑ کیتی ڳئی۔ ایں موقع تے امریکی سفیر تھوڑی مدت اچ صحت دے شعبے اچ کیتے ڳئے اقدامات تےاصلاحات تے نگران وزیر صحت دیاں کوششاں دی تعریف کیتی ۔ انہاں آکھیے جو گلوبل ہیلتھ سکیورٹی دے ایجنڈے کوں اڳوں ودھاوݨ سانڳے بھرپور تعاون کریسوں ۔ ڈاکٹرندیم جان آکھیے پولیو مکاوݨ سانڳے چنڳی حکمت عملی بݨائی اے ۔ انہاں آکھیے جو پولیو ورکرز ملک توں پولیو مکاوݨ سانڳے ہراول دستے دا کم کریندے پئن اتے ملک توں پولیو مکاوݨ دے بعد پولیو ورکروز دی خدمات دا تسلسل یقینی بݨایا ویسی۔
