اسلام آباد۔1ستمبر (اے پی پی) وفاقی وزیرِ خزانہ و محصولات سینیٹر محمد اورنگزیب مناسب حفاظتی اقدامات کوں برقرار رکھیندے جدت پسندی کوں ودھارا ݙیوݨ آلے ذمہ وار، شفاف تے منظم ڈیجیٹل اثاثیں دے نظام کوں تیار کرݨ دی لوڑھ تے زور ݙتے۔ انہاں اے ڳالھ پاکستان ورچوئل ایسٹس ریگولیٹری اتھارٹی دے چیئرمین بلال بن ثاقب نال ملاقات اچ آکھی۔ بلال بن ثاقب وزیرِ خزانہ کوں آپݨے اڄوکے دورہ ہانگ …
وزیرِخزانہ محمد اورنگزیب نال بلال بن ثاقب دی ملاقات
مزید خبراں
اسلام آباد۔1ستمبر (اے پی پی) وفاقی وزیرِ خزانہ و محصولات سینیٹر محمد اورنگزیب مناسب حفاظتی اقدامات کوں برقرار رکھیندے جدت پسندی کوں ودھارا ݙیوݨ آلے ذمہ وار، شفاف تے منظم ڈیجیٹل اثاثیں دے نظام کوں تیار کرݨ دی لوڑھ تے زور ݙتے۔ انہاں اے ڳالھ پاکستان ورچوئل ایسٹس ریگولیٹری اتھارٹی دے چیئرمین بلال بن ثاقب نال ملاقات اچ آکھی۔ بلال بن ثاقب وزیرِ خزانہ کوں آپݨے اڄوکے دورہ ہانگ کانگ تے اتھاں مصروفیات بارے بریفنگ ݙتی۔ بلال بن ثاقب وزیرِخزانہ کوں ہانگ کانگ دے پالیسی سازاں تے متعلقہ اداریں بشمول فنانشل سروسز اینڈ ٹریژری بیورو، ہانگ کانگ مانیٹری اتھارٹی تے سکیورٹیز اینڈ فیوچرز کمیشن دے نال تھیوݨ آلی تعمیری ڳالھ مہاڑ دا ݙسائے جو انھاں ملاقاتاں اچ پاکستان کیتے موزوں معلومات دے تبادلے، تجربات تے کامیاب کاروباری ماڈلز تے غور کیتا ڳیا۔ ڳالھ مہاڑ دا محور ورچوئل اثاثے جات تے ڈیجیٹل فنانس دے شعبے اچ ابھردے موقع ہن جنھاں اچ مالیاتی منڈیاں اچ بلاک چین تے ٹوکنائزیشن ٹیکنالوجیز دے ممکنہ استعمال تے خاص طور تے ڳالھ کیتی ڳئی۔ ایندے علاوہ ڈیجیٹل اثاثیں، سٹیبل کوائنز، ریگولیٹری قوانین دی پاسداری تے ڈیجیٹل مالیاتی بنیادی ڈھانچے متعلق بین الاقوامی طریقیں دا وی جائزہ ڳھدا ڳیا۔ چیئرمین پاکستان ورچوئل ایسٹس ریگولیٹری اتھارٹی وزیرِ خزانہ کوں ہانگ کانگ دے پالیسی سازاں دے نال مہاڑ دے دوران سامݨے آوݨ آلے اہم نکات تے تجربیں دا وی ݙسائے تے پاکستان اچ ورچوئل اثاثیں دے ابھردے نظام کیتے انھاں دی اہمیت تے افادیت تے روشنی پاتی۔ وزیرِ خزانہ بریفنگ دی تعریف کیتی تے ایہوجیھے ذمہ وار، شفاف تے منظم ڈیجیٹل اثاثیں دے نظام کوں تیار کرݨ دی لوڑھ تے زور ݙتا جیڑھا مناسب حفاظتی اقدامات کوں برقرار رکھیندے جدت پسندی کوں ودھارا ݙیوے۔
